Mohamed Farook Mohamed Farook Author
Title: ஆடையில்லாமல் எதுவுமில்லை!
Author: Mohamed Farook
Rating 5 of 5 Des:
ஆதி மனிதர் ஆதாமும் ஏவாளும் தொடக்கத்தில் நிர்வாணமாக இருந்தனர். ஆனால் அவர்கள் நிர்வாணமாக இருக்கிறோம் என்பதை அறியாமல் இருந்தார்கள். எப...
ஆதி மனிதர் ஆதாமும் ஏவாளும் தொடக்கத்தில் நிர்வாணமாக இருந்தனர். ஆனால் அவர்கள் நிர்வாணமாக இருக்கிறோம் என்பதை அறியாமல் இருந்தார்கள்.

எப்போது அவர்கள் அறிவுக் கனியை உண்டார்களோ அப்போதுதான் தாங்கள் நிர்வாணமாக இருப்பதை உணர்ந்தார்கள். அவர்கள் தங்கள் பாலுறுப்புகள் வெளிப்படையாகத் தெரிவதைப் பார்த்து வெட்கப்பட்டார்கள். உடனே அத்தி மர இலைகளைப் பறித்துத் தங்கள் பாலுறுப்புகளை மறைத்துக் கொண்டார்கள்.
ஆடை மனிதனின் முதல் கண்டுபிடிப்பு. அந்த ஆடையே மனிதனை மற்ற உயிரினங்களிலிருந்து பிரித்தது; உயர்த்தியது.

ஆடைத் தத்துவம் அற்புதமானது.
யோனத்தன் ஸ்விஃப்ட் ‘மனிதனே ஆடைதான்’ என்கிறார். அதாவது மனிதன் தோன்றுவதற்கு முன் பூமி நிர்வாணமாக இருந்தது. அறிவியலின் சாரமே ஆடை பற்றிய தத்துவத்தில் அடங்கியிருக்கிறது என்கிறார் கார்லைல்.
ஆடையில்லாமல் எதுவுமில்லை.

கண்ணுக்கு இமை ஆடை. விண்ணுக்கு மேகம் ஆடை. மண்ணுக்குக் கடல் ஆடை. இதயத்திற்கு எண்ணங்களே ஆடை. ஆன்மாவுக்கு உடல் ஆடை. மதமே மனிதனின் ஆடைதான். சொல் பொருளின் ஆடை. ‘பத்துக்கு மேலாடை பதினொன்று’என்று கூறி அசத்துகிறார் உவமைக் கவிஞர் சுரதா.

சமணர்களில் ஒரு பிரிவினர் திகம்பரர். அவர்கள் நிர்வாணமாக இருப்பார்கள். கேட்டால் ‘நாங்கள் நிர்வாணத்தையே உடுத்தியிருக்கிறோம்’என்கிறார்கள்.
காவெண்ட்ரி நாட்டு அரசி காடிவா, மக்களை வரிக் கொடுமையிலிருந்து நீக்குவதற்கு மன்னன் விதித்த நிபந்தனைப்படி வீதிகளில் குதிரையில் நிர்வாணமாக ஊர்வலம் வந்தாள்.

அதை வருணித்த டென்னிசன் ‘அவள் கற்பை ஆடையாக உடுத்தி வந்தாள்’ என்கிறார்.(!!!)

இதே காட்சியை நான் ‘அவள் மக்கள் இமைகளையே ஆடையாக உடுத்தி வந்தாள்’ என்று எழுதியிருக்கிறேன்.
கணவன் - மனைவி உறவு எப்படி இருக்க வேண்டும் என்பதை விளக்க வந்த திருக்குர்ஆன், ஆண்களை நோக்கி, ‘அவர்கள் உங்களுக்கு ஆடை; நீங்கள் அவர்களுக்கு ஆடை’ என்கிறது. அதாவது மனைவி கணவனுக்கு ஆடை. கணவன் மனைவிக்கு ஆடை.
உணவு, உடை, உறையுள் மூன்றும் மனிதனுக்கு இன்றியமையாத தேவைகள்.

கணவன்- மனைவி உறவை உணவாகவோ, உறையுளாகவோ கூறாமல் உடையாகக் கூறுகிறது குர்ஆன்.

உணவுக்குப் பிச்சை கேட்டே பிழைத்துக் கொள்ளலாம். வாடகை வீட்டிலேயே வாழ்க்கையை ஓட்டிவிடலாம். ஆடை விஷயத்தில் அப்படி இருக்க முடியுமா? ஆண்டிக்குக் கூடக் கோவணம் ஒன்று சொந்தமாகத் தேவை.
ஆடை ஆழமான அர்த்தங்களையுடைய அற்புதமான குறியீடு.

மனிதன் மட்டுமே ஆடை அணிகிறான். மற்றைய உயிரினங்கள் அணிவதில்லை. அதைப் போலவே உயிரினங்களுக்குப் பொதுவான பாலுறவைத் திருமணம் என்ற ஒன்றால் ஒழுங்காக்கிக் கொண்டவன் மனிதனே.
திருமணத்திற்கு முன் ஆணும் பெண்ணும் ஆடை அணிந்திருந்தாலும் நிர்வாணிகளே.

ஆண் பெண்ணையும் பெண் ஆணையும் உடுத்திக் கொள்ளும்போதுதான் அவர்கள் கௌரவம் பெறுகிறார்கள்.
ஆண் பெண்ணுக்காகவே நெய்யப்படுகிறான். பெண் ஆணுக்காகவே நெய்யப்படுகிறாள்.

திருமணம் என்றாலே ஆடை அவிழ்ப்பதற்கு என்று நினைக்கிறார்கள். ஆனால், திருமணம் என்பதே ஆடை உடுப்பது என்கிறது குர்ஆன்.
ஆடை நமக்குப் பிடித்திருக்க வேண்டும். அதற் காகத்தான் அதை நாமே தேர்ந்தெடுக்கிறோம். நாம் விரும்பித் தேர்ந்தெடுத்ததை அணியும் போதுதான் நாம் மகிழ்கிறோம். திருமண உறவும் அப்படித்தான். விரும்பியதைத் தேர்ந் தெடுக்க வேண்டும். இல்லையென்றால் உடுத்த முடியாது.

ஆடை நமக்குப் பொருத்தமானதாக இருக்க வேண்டும். இயற்கை ஒவ்வோர் ஆணையும் பெண்ணையும் ஆயத்த ஆடையாகவே தயாரிக்கிறது. அதில் பொருத்தமானதையே நாம் தேர்ந்தெடுக்க வேண்டும். பத்துப் பொருத்தம் பார்க்கிறார்கள். ஆனால், மனப் பொருத்தம் பெரும்பாலும் பார்ப்பதில்லை. அது முக்கியம்.

ஆடை மானத்தைக் காக்கிறது. திருமணமும் மானத்தைக் காக்கிறது. பால் இச்சை பயங்கரமானது. அது மனிதனை அவமானப் படுகுழியில் தள்ளிவிடக்கூடியது. திருமண உறவில் ஆணும் பெண்ணும் ஒருவர் பால் இச்சையை மற்றவர் தணிக்கின்றனர். இதனால் ஒருவர் மானத்தை மற்றொருவர் காக்கின்றனர்.

ஆடை மறைக்கிறது. அதைப் போலவே கணவனும் மனைவியும் ஒருவர் குற்றங்குறைகளை மற்றவர் மறைக்க வேண்டும்.
கணவன் என்ற ஆடை கட்டிக் கொண்டிருப்பதால் ஒரு பெண் தவறான பார்வைகளிலிருந்து மறைக்கப்படுகிறாள். கணவனும் அப்படியே.
ஆடை தட்பவெப்பம், அழுக்கு போன்ற வற்றிலிருந்து பாதுகாக்க அணியப்படுகிறது. கணவனும் மனைவியும் துன்பம் தாக்காமல் 

ஒருவருக்கொருவர் பாதுகாப்பாக இருக்கின்றனர். அது மட்டுமல்ல; இருவரும் ஒருவருக்கொருவர் குளிருக்குக் கதகதப்பாகவும் வெயிலுக்கு இதமாகவும் இருக்கிறார்கள்.
ஆடை கெளரவத்திற்காக அணியப்படுகிறது. கணவனும் மனைவியும் ஒருவருக்கொருவர் கெளரவம் உண்டாக்குகிறவர்களாக இருக்க வேண்டும்.
சீருடை அடையாளத்திற்காக அணியப்படுகிறது. அதுபோலவே கணவனும் மனைவியும் ஒருவருக்கொருவர் அடையாளமாக இருக்க வேண்டும்.
ஆடையை நாகரிகம், பண்பாட்டுக்காக அணிகிறோம். கணவனும் மனைவியும் ஒருவருக்கொருவர் நாகரிகம் பண்பாட்டை உண்டாக்குகிறவர்களாக இருக்க வேண்டும்.

ஆடையை சுகத்திற்காக அணிகிறோம். கணவனும் மனைவியும் ஒருவருக்கொருவர் சுகம் தருகிறவர்களாக இருக்க வேண்டும்.
ஆடையை அழகுக்காக அணிகிறோம். கணவனும் மனைவியும் ஒருவரை ஒருவர் அழகுபடுத்துபவராக இருக்க வேண்டும்.
 
ஆடை அழுக்கானால் நாம் அதைத் தூக்கி எறிந்துவிடுவதில்லை. சலவை செய்து அணிந்துகொள்கிறோம். கணவனிடமோ மனைவியிடமோ குறைகள் தோன்றினால் தூக்கி எறிந்துவிடக் கூடாது. அந்தக் குறைகளை நீக்க முயல வேண்டும்.

ஆடை கொஞ்சம் கிழிந்தால் நாம் அதைத் தூக்கி எறிந்துவிடுவதில்லை. தைத்து அணிந்து கொள்கிறோம். கணவன் மனைவியரிடையே கோபதாபங்கள் ஏற்பட்டால் பிரிந்துவிடக்கூடாது. சமாதானம் என்ற தையலால் ஒன்று சேர்ந்துவிடவேண்டும்.
ஆனால் ஆடை அணியவே முடியாதபடி சுருங்கிப் போனால், தைக்கவே முடியாதபடி கிழிந்துபோனால், சலவை செய்யவே முடியாதபடி அழுக்காகிப் போனால், அதாவது ஆடை யின் பயனை அது தராது போனால், அந்த ஆடையை வைத்துக் கொண்டிருப்பதில் அர்த்தமில்லை. தூக்கி எறிந்துவிட்டுப் புதிய ஆடையை வாங்கிக்கொள்ள வேண்டியது தான்.

இன்பமாக இருப்பதற்குத்தான் இல்லறம்; துன்பப்படுவதற்கல்ல. கசப்பும் வெறுப்பும் முற்றி இருவரும் சேர்ந்து வாழவே முடியாது என்ற நிலை வந்துவிட்டால், பிறகு இல்லறம் என்பதற்கே அர்த்தமில்லை. இருவரும் பிரிந்து தமக்குப் பிடித்தமான புதிய உறவுகளை உண்டாக்கிக்கொள்வதே நல்லது.

‘ஆடை’ என்ற ஒரே ஒரு குறியீடு கணவன் மனைவிக்குரிய இலக்கணங்கள் அத்தனை யையும் உணர்த்துவது வியப்புக்குரியது.

கவிக்கோ அப்துல் ரகுமான்  
ஆடையில்லாமல் எதுவுமில்லை!
ஆடையில்லாமல் எதுவுமில்லை!

ஆதி மனிதர் ஆதாமும் ஏவாளும் தொடக்கத்தில் நிர்வாணமாக இருந்தனர். ஆனால் அவர்கள் நிர்வாணமாக இருக்கிறோம் என்பதை அறியாமல் இருந்தார்கள். எப...

மேலும் படிக்க »

Mohamed Farook Mohamed Farook Author
Title: வி.களத்தூரில் தண்ணீர் பற்றாக்குறை அதிகரித்து வருகிறது!
Author: Mohamed Farook
Rating 5 of 5 Des:
தண்ணீரின் அவசியம் : வி.களத்தூர் தண்ணீர் பற்றாக்குறை அதிகரித்து வருகிறது மக்களுக்கு ஒரு அறிவிப்பு - மு.ஜலால்லுதீன் ”ஒவ்வொரு ஆண்...
தண்ணீரின் அவசியம் : வி.களத்தூர் தண்ணீர் பற்றாக்குறை

அதிகரித்து வருகிறது மக்களுக்கு ஒரு அறிவிப்பு - மு.ஜலால்லுதீன்

”ஒவ்வொரு ஆண்டும் வி.களத்தூரில் தண்ணீர் பற்றாக்குறை அதிகரித்து வருகிறது. ‘தண்ணீர் சேமிப்பு’ என்ற ஒன்று நடைமுறைக்கு வந்தால் மட்டுமே, பொதுமக்களுக்கு தண்ணீர் கிடைக்கும் கட்டாயம் உருவாகும்.”
 
வீதிகளில் ஆறாக ஓடிக்கொண்டிருந்த தண்ணீர் இன்று, குடிக்க கிடைக்காமல், மக்களை வீதியில் இறங்கி போராடும் நிலைக்கு தள்ளியுள்ளது. குடிநீர் பற்றாக்குறைக்கு வறட்சி காரணம் காட்டப்படுகிறது. ஆனாலும், அதிகப்படியான மழை பெய்யும் காலங்களில் தண்ணீரை சேமித்து வைக்காதது; குளம், குட்டைகளையும் அழித்து குடியிருப்புகள் ஏற்படுத்தியது; சிற்றாறுகள், ஓடைகளின் பாதையை தடுத்து நிலத்தை ஆக்கிரமிப்பு செய்தது உள்ளிட்ட காரணங்களால் இன்று உலகின் பல பகுதிகள் வறட்சியில் சிக்கியுள்ளது.
இங்கெல்லாம் தண்ணீர் மட்டுமல்லாது உணவு பஞ்சமும் தலைவிரித்தாடுகிறது. இன்று கூட துார்வாரப்படாத ஏரி, குளம், குட்டைகள், ஆறுகளில் ஆக்கிரமிப்பு, கரைகளில் கழிவுகளின் குவியல், தொழிற்சாலைகளின் வேதிப்பொருள்களை ஆற்றில் கலக்கவிட்டது, நிலத்தடி நீரையும் மாசுபட வைத்ததும் தண்ணீர் பற்றாக்குறைக்கு காரணங்கள் எனலாம்.
உலகின் 77 சதவீதம் பரப்பு கடல் நீரால் சூழப்பட்டுள்ளது. 23 சதவீத நிலப்பரப்பில் ஏரி, குளம், ஆறுகள் இருந்தும் குடிநீராக வெறும் 2.3 சதவீத நீர் மட்டுமே பயன்படுகிறது. இன்றைய சூழலில், புவி வெப்பமயமாதல் காரணமாக நிலத்தடி நீர் மட்டமும் குறைந்து விட்டது. சாதாரணமாக ஆயிரம் அடிக்கு கீழே தான் நீர் கிடைக்கிறது.ஆனாலும், விவசாயத்தை காப்பாற்ற வேண்டும் என்ற நோக்கில், தண்ணீரை விலை கொடுத்து வாங்கி,விவசாயம் செய்பவர்களும் இன்றுள்ளனர். இதனால், கிராமப்பகுதிகளில் 5 சதவீத நிலத்தில் தான் விவசாயம் நடக்கிறது; அதுவும் சொட்டு நீர் பாசனமாக நடக்கிறது.
இந்நிலையில், இயற்கையாக கிடைக்கும் குடிநீரை ‘மினரல்’ வாட்டர் என்ற பெயரில் பாட்டில்களில் அடைத்து தனியார் மட்டுமன்றி, அரசும் விற்பனை செய்கிறது. இதனால், குடிநீருக்கு செயற்கை தட்டுப்பாடு ஏற்படுத்தப்பட்டுள்ளது. இயற்கை நமக்கு இலவசமாக வழங்கியதை பெறுவதற்கே, இக்கட்டான நிலை உருவாக்கப்பட்டுள்ளது.
”மக்கள் பெருக்கம், நகரமயமாதல் காரணங்களுக்காக ஏரி, குளம், குட்டைகள் பெரும்பாலும் அழிக்கப்பட்டு விட்டன. கிடைக்கும் நீரைக்கொண்டு, பல்வேறு நவீன தொழில்நுட்பங்களைக் கொண்டு விவசாயம் செய்யப்பட வேண்டும். 
உலகில் ஏற்பட்டு வரும் குடிநீர் பற்றாக்குறையை கருத்தில் கொண்டு. எனவே, இருக்கும் நீர் ஆதாரங்களை அழியாமல் நாம் காத்துக்கொள்ள வேண்டியது அவசியம். தண்ணீரைக் கவனமாகப் பயன்படுத்த வேண்டியது அதைவிட அவசியம். வருமுன் காக்கத் தவறினால், சென்னை போன்ற நகரங்களில் வாடகையை விட தண்ணீருக்கு அதிகம் பணம் கொடுக்க வேண்டிய நிலைமை உருவாகலாம். தட்டுப்பாடு ஏற்பட்டால் துன்பப்படப்போகிறவர்கள்   மக்களே. தண்ணீரை விரயம் செய்ய மாட்டேன் என்று ஒவ்வொருவரும் உறுதிமொழி எடுப்போம்.
மு.ஜலால்லுதீன், வி.களத்தூர்.
வி.களத்தூரில் தண்ணீர் பற்றாக்குறை அதிகரித்து வருகிறது!
வி.களத்தூரில் தண்ணீர் பற்றாக்குறை அதிகரித்து வருகிறது!

தண்ணீரின் அவசியம் : வி.களத்தூர் தண்ணீர் பற்றாக்குறை அதிகரித்து வருகிறது மக்களுக்கு ஒரு அறிவிப்பு - மு.ஜலால்லுதீன் ”ஒவ்வொரு ஆண்...

மேலும் படிக்க »

Mohamed Farook Mohamed Farook Author
Title: ”உயர்வு தாழ்வு” என பணத்தால் மனிதத் தரத்தைப் பிரிக்காதே!!
Author: Mohamed Farook
Rating 5 of 5 Des:
பெருமையோடு உன் முகத்தை மனிதர்களை விட்டும் திருப்பிக்கொள்ளாதே! பணத்தைக் குறியாக வைத்து பணமுள்ள மனிதரை இச் சமூகம் மதிப்பதும், பணமில்லாதவ...
பெருமையோடு உன் முகத்தை மனிதர்களை விட்டும் திருப்பிக்கொள்ளாதே!

பணத்தைக் குறியாக வைத்து பணமுள்ள மனிதரை இச் சமூகம் மதிப்பதும், பணமில்லாதவரை அலட்சியம் \செய்யும் போக்கு இவ்வுலகெங்கிலும் உள்ளது.

ஏற்றத்தாழ்வு கூடாது என்பதற்காகத்தான் ஓரணியாகத் தொழுகை முறையை வகுத்துத் தந்தான் இறைவன்.
பணமுள்ள ஒருவர் நின்று கொண்டிருந்தால் அவரை உட்கார்ந்து பேசுங்கள் என்று பலரும் அக்கறையோடு உபசரிப்பார்கள். பணமில்லாதவராக இருந்தால் உட்காருங்கள் என்று சொல்ல ஆளிருக்காது.

வெளியில்தான் அப்படியென்றால் இறையில்லமாம் பள்ளிவாசலிலும் மனிதர்களுக்குள் வித்தியாசம் காட்டுகிறார்கள். செல்வந்தரென்று ஒருவர் பள்ளிவாசலுக்குள் தொழும்போது மின்விசிறியை அவசர அவசரமாக ஓடிச்சென்று சில பள்ளிவாசல் உதவியாளர்களே விசிறியைச் சுழல விடுவார்கள். மற்றவர்கள் தொழும்போது இந்த உபசரனையைக் காணமுடியாது. இச்செயல்கள் அனைத்தும் இறைவனுக்குப் பிடிப்பதில்லை.

"உயர்வு தாழ்வு என பணத்தால் மனிதத் தரத்தைக் குறைப்பது பெரும்பாவம்'' என்றார்கள் நபி ஸல்லல்லாஹு அலைஹி வஸல்லம் அவர்கள். ''நாளை கியாம நாளில் அதுபற்றி விசாரிக்கப்பட்டு இறைவனால் தண்டிக்கப்படுவர்" என்றார்கள் நபி ஸல்லல்லாஹு அலைஹி வஸல்லம் அவர்கள். 

உயர்வு தாழ்வு என்பது அகம்பாவத்தின் பாவ விளைவாக இருப்பதை மனிதர்கள் புரிந்துகொள்ள வேண்டும். அகம்பாவம் என்பது இறைவனால் வெறுக்கப்படக்கூடிய ஒரு அருவருக்கத்தக்க செயல். இச்செயல் யாரிடம் இருக்கிறதோ அது அவரை அழித்துவிடும். அறிவு, ஆற்றல், செல்வம் எல்லாமே அல்லாஹ்வால் அருளப்பட்டவையே. இரவலாகப் பெறப்பட்ட இந்த பாக்கியங்களைக் கொண்டு பெருமையடிப்பதும், ஏற்றத்தாழ்வு பார்ப்பதும் இறைவனுக்கு நன்றிகெட்டவனாக மனிதனை மாற்றிவிடுகிறது.

"கண்ணியம் என்பது எனது ஆடையாக இருக்கிறது. பெருமை எனது போர்வையாக இருக்கிறது. இவ்விரண்டையும் எவர் எதிர்க்கிறார்களோ அவர்களை நரகத்தீயிலிட்டு வேதனை செய்வேன்" என்று அல்லாஹ் கூறுவதாக அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் எச்சரித்துள்ளார்கள்.

காரூன் என்னும் கொடியவனுக்கு எல்லா பாக்கியங்களையும் அல்லாஹ் வழங்கியிருந்தான். யாருக்கும் கொடுக்காத அளவிற்கு செல்வத்தை வாரி வாரி வழங்கியிருந்தான். ஆனால் காரூனோ அதனை தனக்கு வழங்கிய அல்லாஹ்வுக்காக நன்றி செலுத்த மறந்தான். அத்தனைம் தனது சுய முயற்சியால் தான் கிடைத்தது எனக் கூறி பெருமையடித்தான்.

"எத்தனை தலைமுறையினருக்கு செல்வம் கொடுத்து அழித்திருக்கிறான் அல்லாஹ் என்பதை அறியவில்லையா?"  (அல்குர்ஆன் 28:78)

அகம்பாவம் பிடித்த காரூன் ஒருநாள் தன்னை அலங்கரித்துக்கொண்டு வெளியே வந்தான். ஏழை, எளியவர், அறிஞர் பெருமக்களையெல்லாம் அலட்சியமாய்ப் பார்க்கிறான். இந்நிலையைக் கண்ட அல்லாஹ் அவனை அழித்து விடுகின்றான். அவனுடைய செல்வங்களும், பட்டாளங்களும் அவனுக்கு எந்த பயனும் அளிக்கவில்லை.
 
இப்படிப்பட்ட சம்பவங்கள் அகம்பாவம் பிடித்துத் திரியும் ஒவ்வொருவருக்கும் படிப்பினையாக அமைந்திருக்கிறது என நபி ஸல்லல்லாஹு அலைஹி வஸல்லம் அவர்கள் கூறினார்கள். (நூல்: முஸ்லிம்)
தன்னுடைய மகனுக்கு உபதேசம் செய்த லுக்மான் அலைஹிஸ்ஸலாம் அவர்களை அல்லாஹ் குர்ஆனிலே கூறுகிறான்.

"மகனே! பெருமையோடு உன் முகத்த்கை மனிதர்களைவிட்டும் திருப்பிக் கொள்ளாதே. பூமியில் பெருமையாக நடக்காதே. அகப் பெருமைக்காரர், ஆணவம் கொண்டோர் எவரையும் நிச்சயமாக அல்லாஹ் நேசிக்க மாட்டான். உன்னுடைய நடையில் (கர்வத்தோடு இல்லாமல்) நடுத்தரத்தை மேற்கொள். உன் குரலையும் தாழ்த்திக்கொள். குரல்களிலெல்லாம் வெறுக்கத்தக்கது கழுதையின் குரலாகும்". (அல்குர்ஆன் 31: 18,19)

மனிதர்களின் படைப்பில் எவ்வித ஏற்றத்தாழ்வும் கிடையாது. எல்லோரும் சமமானவர்களே! எல்லோரும் மண்ணிலிருந்து வந்தவர்களே! எனவே ஒருவரை விட மற்றவ்ர் பெருமையடிப்பதற்கு நியாயமில்லை என்பதை இறைத்தூதர் ஸல்லல்லாஹு அலைஹி வஸல்லம் அவர்கள் விளக்கியுள்ளார்கள்.

"ஏற்றத்தாழ்வு செய்து உலாவந்த ஒரு மனிதனை அல்லாஹ் பூமி விழுங்கச்செய்து விட்டான். மறுமை நாள்வரை அவனை பூமி கொஞ்சம் கொஞ்சமாக விழுங்கிக்கொண்டே இருக்கிறது" என அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். (நூல்: புகாரி, முஸ்லிம்)

பொதுவாக பணத்தை மட்டும் வைத்து ஒருவரை எடை போடக் கூடாது. ஒருவருடைய நற்பண்புகளை நினைத்துப்பார்த்து அதற்கு மதிப்பளிக்க வேண்டும்.
”உயர்வு தாழ்வு” என பணத்தால் மனிதத் தரத்தைப் பிரிக்காதே!!
”உயர்வு தாழ்வு” என பணத்தால் மனிதத் தரத்தைப் பிரிக்காதே!!

பெருமையோடு உன் முகத்தை மனிதர்களை விட்டும் திருப்பிக்கொள்ளாதே! பணத்தைக் குறியாக வைத்து பணமுள்ள மனிதரை இச் சமூகம் மதிப்பதும், பணமில்லாதவ...

மேலும் படிக்க »

கத்தார் பிரச்னையை எளிதில் விளக்கும் 12 கேள்வி - பதில்கள்!

Mohamed Farook Mohamed Farook Author
Title: கத்தார் பிரச்னையை எளிதில் விளக்கும் 12 கேள்வி - பதில்கள்!
Author: Mohamed Farook
Rating 5 of 5 Des:
அ ரபு வளைகுடாவில் தனிமைப்படுத்தப்பட்டிருக்கிறது கத்தார். சவுதி, அமீரகம் உள்ளிட்ட நாடுகள் தங்கள் ராஜதந்திர உறவுகள் அனைத்தையும் கத்தாருடன...
ரபு வளைகுடாவில் தனிமைப்படுத்தப்பட்டிருக்கிறது கத்தார். சவுதி, அமீரகம் உள்ளிட்ட நாடுகள் தங்கள் ராஜதந்திர உறவுகள் அனைத்தையும் கத்தாருடன் முறித்துள்ளன... வான் வழியிலும், கடல் வழியிலும் கத்தார் விமானங்கள், கப்பல்கள் செல்ல அனுமதி மறுத்துள்ளன. கத்தார் தூதர்களையும் நாடு திரும்ப உத்தரவிட்டுள்ளன. அரபு பாலையில் தனியாக நிற்கும் சித்ரா மரமாக இருக்கிறது கத்தார். அந்த மரத்தின் நிழலில் ஏறத்தாழ 6.5 லட்சம் இந்தியர்கள், தங்கள் எதிர்காலம் குறித்த அச்சத்துடன் அமர்ந்திருக்கிறார்கள். இந்தச் சூழ்நிலையில் கத்தாரின் நிலைமையைப் புரிந்துகொள்ள வேண்டிய கடமையும், பொறுப்பும் நமக்கு அதிகமிருக்கிறது.
அந்தத் தேசத்தின் பிரச்னை... அதுசம்பந்தமான நமக்குள்ள சந்தேகங்கள் குறித்த விளக்கம்தான் கீழே உள்ள 12 கேள்வி பதில்கள்...
ஏன் திடீரென்று கத்தார் தேசம் தனிமைப்படுத்தப்பட்டிருக்கிறது... அரபு தேசங்கள் தங்கள் ராஜதந்திர உறவுகளை ஏன் முறித்துக்கொண்டன...?
கொஞ்சம் ஆழமாகப் பார்த்தோமானால், இது திடீரென்று முளைத்த பிரச்னை அல்ல... 2014 ஆம் ஆண்டு முதலே கத்தார் தேசத்தை, வளைகுடா ஆலோசனை சபை (Gulf Cooperaion Council) சந்தேகக் கண்ணோடுதான் அணுகிவந்தது. அது, கத்தார் நம்மோடு கைகுலுக்கிக்கொண்டே, ஈரான், ஹமாஸுடன் கைகுலுக்குவதாகச் சந்தேகித்தது. அப்போதே, கத்தாரை எச்சரித்தது. ஆனால், இப்போது எழுந்துள்ள பிரச்னைக்குக் காரணமாகக் கூறப்படுவது கத்தார் இளவரசர் ஷேக் தமீமின் உரை.
அண்மையில் நடந்த ராணுவ பட்டமளிப்பு விழாவில் உரை நிகழ்த்திய ஷேக் தமீம், “ஈரான், இஸ்லாமிய சகோதரத்துவ அமைப்பு (Muslim Brotherhood) மற்றும் ஹமாஸுடன் நாம் இணக்கம் பாராட்ட வேண்டும்” என்று பேசியதாக, கத்தார் தேசத்துக்குச் சொந்தமான கத்தார் செய்தி நிறுவனத்தின் இணையதளம், சமூக ஊடகங்கள் அனைத்திலும் செய்தி வெளியிடப்பட்டன. அதைத் தொடர்ந்துதான் பல தேசங்கள் தங்கள் ராஜாங்க உறவுகளை முறித்துள்ளன.
ஹூம்...  வளைகுடா ஆலோசனை சபை என்றால் என்ன...?
வளைகுடா ஆலோசனை சபை என்பது அரசியல், பொருளாதாரக் கூட்டமைப்பு. இது, 1981 ஆம் ஆண்டு உருவாக்கப்பட்ட அமைப்பு. இதில் பஹ்ரைன், குவைத், ஓமன், கத்தார், சவுதி அரேபியா மற்றும் அமீரகம் ஆகிய நாடுகள் உள்ளன.
அந்த அமைப்பிலுள்ள எந்தெந்த தேசங்கள் கத்தாருடனான உறவை முறித்துள்ளன..? 

பஹ்ரைன்தான் முதலில் தன் உறவை முறித்தது. அதைத் தொடர்ந்து பத்து நிமிட இடைவெளியில் சவுதி அரேபியா, அமீரகம், எகிப்து, மாலத்தீவு என அடுத்தடுத்து தனது உறவை முறித்துக்கொண்டன. சில நாள்களுக்குப் பின் ஜோர்டானும் தன் உறவை முறித்துக்கொண்டது.
சரி... ஷேக் தமீம் அப்படிப் பேசியது உண்மையா... அவர் ஹமாஸுடன் இணக்கம் பாராட்ட வேண்டுமென்றா பேசினார்...?
'இல்லை' என்கிறது கத்தார். அந்தச் செய்தி தங்கள் ஊடகத்தில் வந்த சில நிமிடங்களிலேயே இதை மறுத்துவிட்டது. தங்கள் இணையதளம்... சமூக ஊடகக் கணக்குகள் அனைத்தும் ஹேக்கர்ஸால் ஹேக் செய்யப்பட்டுவிட்டதாகக் கூறியது. இதுகுறித்து விசாரித்த அமெரிக்காவின் FBI-யும் இதே கருத்தைத்தான் வலியுறுத்துகிறது. FBI அமைப்பு, கத்தாரின் செய்தி இணையதளத்தை ஹேக் செய்தது ரஷ்யர்கள் என்கிறது. ரஷ்ய அரசு இதை மறுத்துவிட்டது. ரஷ்ய அரசுக்கும் இந்தச் செயலுக்கும் தொடர்பில்லை என்று கூறிவிட்டது.
ஹமாஸ்... தெரிகிறது. அது, பாலஸ்தீன விடுதலை அமைப்பு. இஸ்லாமிய சகோதரத்துவ அமைப்பு (Muslim Brotherhood) என்றால் என்ன... அதை இஸ்லாமிய நாடுகளே வெறுக்க என்ன காரணம்...?

இஸ்லாமிய சகோதரத்துவ அமைப்பு (Muslim Brotherhood) 1928 ஆம் ஆண்டு எகிப்து இஸ்லாமிய அறிஞர் ஹசன் - அல்- பானாவால் உருவாக்கப்பட்ட ஓர் அமைப்பாகும். இது தொடக்கத்தில் அறக்காரியங்களில் ஈடுபட்டுவந்தது. அப்துல் நாசருடன் இணைந்து எகிப்தில் பிரிட்டன் ஆக்கிரமிப்பை எதிர்த்தும், முடியாட்சிக்கு எதிராகவும் போர் செய்தது. நாசரை அந்தத் தேசத்தின் அதிபராக அமரவைத்ததில் இந்த அமைப்புக்கு முக்கியப் பங்கு இருக்கிறது. ஆனால், நாசர் மதச்சார்பற்ற கொள்கைகளைத் தழுவியது இந்த அமைப்புக்குப் பிடிக்கவில்லை. அது விரும்பியது இஸ்லாமிய தேசத்தை. இதனால், இஸ்லாமிய சகோதரத்துவ அமைப்பு முன்னணித் தலைவர் சையத், நாசரை படுகொலை செய்யத் திட்டமிட்டார்.. ஆனால், அந்த முயற்சி முறியடிக்கப்பட்டு, சையத் கைதுசெய்யப்பட்டு, தூக்கிலிடப்பட்டார்.
இந்த அமைப்பு, இஸ்லாமிய அடிப்படைவாதத்தை வளர்ப்பதாகவும், தீவிரவாதச் செயல்களில் ஈடுபடுவதாகவும் தகவல்கள் வந்ததையடுத்து பஹ்ரைன், எகிப்து, ரஷ்யா, சவுதி, சிரியா மற்றும் அமீரகம் உள்ளிட்ட நாடுகள் அந்த அமைப்பைத் தடை செய்துள்ளன.
ரஷ்யா இந்த அமைப்பைத் தடை செய்ததற்கும்... கத்தார் செய்தி நிறுவனத்தை ஹேக் செய்ததில் ரஷ்யா பெயர் அடிபடுவதற்கும் ஏதேனும் தொடர்பு இருக்குமா...?
இருக்கலாம்... கத்தார் இஸ்லாமிய சகோதரத்துவ அமைப்புடன் நெருக்கமாக இருப்பதாகக் கருதி, கத்தாரைத் தனிமைப்படுத்தக்கூட இதுபோலச் செய்திருக்கலாம். இந்த விவகாரத்தில் இன்னொரு கருத்தும் இருக்கிறது. கத்தார், பாலஸ்தீனத்துக்கும் ஹமாஸுக்கும் உதவி செய்வதாக இஸ்ரேல் நினைக்கிறது. அதனால், இஸ்ரேல் - சவுதி கூட்டணி தந்திரவேலைதான் இது என்றும் ஒரு கருத்து இருக்கிறது.
ஹூம்... கத்தார் தனிமைப்படுத்தப்பட்டுவிட்டது. இதை வளைகுடா ஆலோசனை சபையில் விழுந்த விரிசலாகக் கருதலாமா...?
அப்படிக் கருத முடியாது. கத்தாரைத் தவிர, அனைத்து நாடுகளும் இணக்கமாகத்தான் இருக்கின்றன. குவைத் இந்த விவகாரத்தில் பிற நாடுகளைச் சமாதானப்படுத்தும் பேச்சுவார்த்தையில் இறங்கியிருக்கிறது.
அமெரிக்காவின் நிலைப்பாடு என்ன...?
'கத்தாருக்கு எதிராக ஐக்கிய அரபு நாடுகள் எடுத்து வரும் நடவடிக்கைகள், தீவிரவாதத்துக்கான முடிவின் தொடக்கம்' என்று ட்விட்டர் மூலம் கருத்து தெரிவித்தார். அமெரிக்காவின் பாதுகாப்புச் செயலாளர் ராபர்ட் கேட்ஸ், கத்தாரைக் கடுமையான வார்த்தைகளால் தாக்கி இருக்கிறார். ''அடிப்படைவாதிகளுக்குக் கத்தார் பொருளாதார உதவி செய்வதை உடனடியாக நிறுத்த வேண்டும்'' எனக் கடுமையான சொற்களில் கருத்துத் தெரிவித்துள்ளார். கத்தாரின் மிகப்பெரிய ராணுவ விமானத் தளமான அல்-உதய்த் தளத்தை அமெரிக்கா பயன்படுத்தி வருகிறது. புவியியல்ரீதியாகக் கத்தார், அமெரிக்காவுக்கு மிக முக்கியமான நாடு. அதனால், அமெரிக்கா எந்தக் கடுமையான நிலைப்பாடும் எடுக்காது என்றுதான் தோன்றுகிறது.
அல்-ஜசீரா தலைமை அலுவலகம்கத்தார் விவகாரத்தில் அல்-ஜசீராவை முடக்க வேண்டும் என்ற குரலும் கேட்கிறதே...?
ஆம். அதை முன்வைப்பது சவுதிதான். நேற்று இரவு பத்து மணிக்கு (இந்திய நேரத்தில்) தங்கள் இணையதளத்தை ஹேக் செய்ய முயற்சி நடப்பதாக அல்-ஜசீரா செய்தி வெளியிட்டது. அல்-ஜசீரா... தொடந்து சிரியாவின் அவலங்களையும், அரேபிய ஆட்சியாளர்களின் முடியாட்சி அட்டூழியங்களையும் வெளிக்கொண்டு வருகிறது. இது, சவுதிக்குச் செளகர்யமான ஒன்று... அதனால், இந்தப் பிரச்னையில் அல்-ஜசீராவையும் முடக்கப் பார்ப்பதாகத்தான் தெரிகிறது.
சரி... அங்குள்ள மக்களின் நிலை என்ன... குறிப்பாக இந்தியர்களின் நிலை... உணவுத் தட்டுப்பாடு என்றெல்லாம் செய்தி வருகிறதே...?
கத்தார் தனது உணவுத் தேவைக்காகப் பெரும்பாலும் அண்டை நாடுகளைத்தான் நம்பி இருக்கிறது. எல்லைகள் சீல் வைக்கப்பட்டுவிட்ட நிலையில், மக்கள் உணவுக்காகப் பஞ்சம் ஏற்பட்டுவிடுமோ என்று அஞ்சி, உணவுகளை அதிக அளவில் சேகரித்துவைக்கத் தொடங்கியுள்ளனர். ஆனால், ஆட்சியாளர்கள் அச்சப்பட வேண்டாம் என்கிறார்கள்.
கத்தார் வெளியுறவுத் துறை அமைச்சர்எந்தெந்த நாடுகள் கத்தாருடன் உறவில் இருக்கின்றன...?
பஹ்ரைன், எகிப்து, சவுதி, மாலத்தீவு, அமீரகம், லிபிய கலிஃபா ஹஃப்தார் அரசாங்கம் மற்றும் யேமனைத் தவிர்த்து பெரும்பாலான நாடுகள் கத்தாருடன் உறவில்தான் இருக்கின்றன. 94 தூதுக்குழுக்கள் கத்தாரில் இயங்கி வருகின்றன. 34 நாடுகளின் தூதரக அலுவலகங்கள் இன்னும் செயல்பாட்டில்தான் இருக்கின்றன.
எப்போது இந்தப் பிரச்னை முடிவுக்கு வரும்...?

நன்றி - vikatan
கத்தார் பிரச்னையை எளிதில் விளக்கும் 12 கேள்வி - பதில்கள்!
கத்தார் பிரச்னையை எளிதில் விளக்கும் 12 கேள்வி - பதில்கள்!

அ ரபு வளைகுடாவில் தனிமைப்படுத்தப்பட்டிருக்கிறது கத்தார். சவுதி, அமீரகம் உள்ளிட்ட நாடுகள் தங்கள் ராஜதந்திர உறவுகள் அனைத்தையும் கத்தாருடன...

மேலும் படிக்க »

பின்பற்றும் மாணவ சமூகம் வழி காட்டும் இளைய சமூகம்

Mohamed Farook Mohamed Farook Author
Title: பின்பற்றும் மாணவ சமூகம் வழி காட்டும் இளைய சமூகம்
Author: Mohamed Farook
Rating 5 of 5 Des:
நேற்று மாலை பொழுதாக இருக்கும் அந்த காட்சிகள் நான் கண்டபோது, அதன் பிறகு தான் தோன்றியது இப்படி ஒரு கட்டுரை எழுத வேண்டுமென்று....... நம...
நேற்று மாலை பொழுதாக இருக்கும் அந்த காட்சிகள் நான் கண்டபோது, அதன் பிறகு தான் தோன்றியது இப்படி ஒரு கட்டுரை எழுத வேண்டுமென்று.......

நமதூர் மாணவர்கள் ஒரு கூட்டமாக கையில் ஒரு நோட் பேனவுடன் கடை கடையாக ஏறி இறங்கி கொண்டிருந்தார்.அவர்கள் அனைவருமே 8-ம் வகுப்பு முதல் 10 -ம் வகுப்பு மட்டுமே படிக்க கூடியவராக இருந்தார்கள். 

நான் அவர்களையே கூர்ந்து கவனித்துக்கொண்டிருந்தேன், அப்போது தான் என் காதுகளில் ஒலித்தது அந்த சத்தம் "பாய் நாங்க கிரிக்கெட் டௌர்னமெண்ட் மேட்ச் நடத்தப்போறோம் எங்களுக்கு ஸ்பான்சர் பண்ணுங்க பாய்" என்று. ஆச்சரியமாக இருக்கிறது இவ்வளவு சிறிய வயதில் இவர்களுக்குள் இத்தணை திறமைகள், ஒருங்கிணைக்கும் திறன், அனைத்தையும்  கட்டமைக்கும் வல்லமை என்று. இவர்களுக்கு இப்படி ஒரு சிந்தனை வருவதற்கு எது தூண்டுதலாக இருந்திருக்கும் என்று சிந்திக்கையில்தான் ஒரு நிதர்சனமான உண்மை புலப்பட்டது.

நமதூர் இளைஞர்கள் கபடி போட்டி, வாலிபால் போட்டி, கிரிக்கெட் போட்டி என்று பல போட்டிகளை டௌர்னமெண்ட் என்ற பெயரில் நடத்துகிறார்கள். அதை பார்த்து தான் இந்த பள்ளி மாணவர்களும் இப்போது கிரிக்கெட் போட்டி நடத்த முடிவு செய்துள்ளனர். இந்த ஒரு சம்பவத்தை வைத்து மட்டும் நான் ஒரு முடிவுக்கு வந்து விடவில்லை பல உதாரணங்கள் இருக்கின்றன. 

நமது ஊர் இளைஞர்கள் இரவு நேரங்களில் பைக், கார்களில் TTPL தொழுதூர் TOLL BOOTH உணவகங்களுக்கு செல்வது வழக்கம் அவர்களை போல் நம் பள்ளி மாணவர்களும் செல்கிறார்கள். சமீபமாக நடந்த சந்தனக்கூடு நிகழ்ச்சியில் நம் இளைஞர்கள் யாரும் கலந்துக்கொள்ளவில்லை அதை அப்படியே பின்பற்றும் விதமாக நம் மாணவர்களும் கலந்து கொள்ளவில்லை. இன்று பள்ளி மாணவர்கள் facebook , twitter , whats app களில் status போடுவது like comment செய்வது இவற்றிலும் கூட இளைஞர்களின் வழிகாட்டுதல்கள் உள்ளது.

சில வருடங்களுக்கு முன்பெல்லாம் கோடை விடுமுறை நாட்களில் இளைஞர்கள் ஊட்டி, கொடைக்கானல் என்று சுற்றுலா செல்வது வழக்கம் அவர்களை போல் பள்ளி மாணவர்களும் தங்கள் பங்கிற்கு சுற்றுலா செல்வதை பார்த்திருக்கலாம். 

இன்னும் சொல்லப்போனால் நான் பள்ளி மாணவனாக இருந்தபோது ரம்ஜான் மாதம் வந்துவிட்டால் போதும் இளைஞர்கள் சங்கத்தில் சேர்ந்துகொண்டு பையத் பாடுவதும் இரவு முழுவதும் தூங்காமல் ஆபியம், கண்ணாமூச்சி, கொட்டான் கொட்டான், ஓடிப்பிடித்து விளையாடுவது என்று பள்ளிவாசல் தெருவே களைகட்டும். அவர்களைப்போல் நாங்களும் விளையாடுவது, அவர்கள் பின்னே பையத் பாடிக்கொண்டு போவது என்று இருந்தோம்.

இப்படியாக அந்தந்த காலகட்டங்களுக்கு ஏற்ப அப்போது இருக்கும் trend களுக்கு ஏற்றவாறு இளைஞர்கள் பல விஷயங்களை செய்து வரும்போது, பள்ளி மாணவர்களும் அவர்களை வழிதொடர்ந்து வருகிறார்கள்.  

ஆக நமது சில இளைஞர்கள் passport, airport, visa, dubai என இல்லாமல் painting, driver, electrician என தொழிலிலும் இன்னும் சில இளைஞர்கள் சிகரெட், பாக்கு, மது என்று இல்லாமல், நம் மாணவர்களுக்கு agriculture, aviation, fine arts, journalism, marine, law, medical, NIT, IIT, NEET preparation, JEE -(main, advance preparation). என்று நீங்கள் படிப்பதன் மூலம் மாணவர்களின் கல்விக்கும், TNPSC, UPSC -(IAS, IPS, IFS.,), RRB, SSC, TRB, TET, GATE etc., போன்ற போட்டி தேர்வுகளுக்கு பயிற்சி எடுப்பது தேர்ச்சி பெற்று அரசு வேளைகளில் இணைவது என்று நீங்கள் செய்வதன் மூலம் மாணவர்களின் எதிர்காலத்திற்கும், அதே போன்று தொழுகை, நன்னடத்தை, நல்ல காரியங்கள் செய்வது, ஊர் ஒற்றுமை, பெரியவர்களுக்கு மரியாதை என்று நீங்கள் நடப்பதில் மூலம் மாணவர்களின் நல்வாழ்விற்கும் வழிகாட்ட வேண்டும்.

இளைஞர்கள் நீங்கள் நினைத்தால் நிச்சயம் முடியும். மாணவர்களாகிய அவர்கள் இளைஞர்களாகிய உங்களை உற்று நோக்குகிறார்கள், பின்பற்றுகிறார்கள். இது இயற்கையாகவே யார் தூண்டுதலும் இல்லாமலேயே நடக்கிறது. ஆக நமதூரின் அடுத்த தலைமுறை எந்த பாதையில் பயணிக்க வேண்டும் என்பதை இளைஞர்களாகிய நீங்கள் தான் தீர்மானிக்க வேண்டும்.....!!

## நீங்கள் வழிகாட்டியாக அவர்கள் பின்தொடர்பவர்களாக  ##

                                                                                 - அ. பைசல் அஹமது, வ.களத்தூர்,
பின்பற்றும் மாணவ சமூகம் வழி காட்டும் இளைய சமூகம்
பின்பற்றும் மாணவ சமூகம் வழி காட்டும் இளைய சமூகம்

நேற்று மாலை பொழுதாக இருக்கும் அந்த காட்சிகள் நான் கண்டபோது, அதன் பிறகு தான் தோன்றியது இப்படி ஒரு கட்டுரை எழுத வேண்டுமென்று....... நம...

மேலும் படிக்க »

Mohamed Farook Mohamed Farook Author
Title: பிப்ரவரி 14 – கற்பு கொள்ளையர் தினம்!
Author: Mohamed Farook
Rating 5 of 5 Des:
பிரப்வரி 14 : காதலர் தினம் என்ற பெயரில் பெண்களின் கற்பை சூறையாடும் கற்பு கொள்ளையர் தினமாக கொண்டாடப்பட்டு வருகின்றது. மீடியாக்கள் கொடுக...
பிரப்வரி 14 : காதலர் தினம் என்ற பெயரில் பெண்களின் கற்பை சூறையாடும் கற்பு கொள்ளையர் தினமாக கொண்டாடப்பட்டு வருகின்றது. மீடியாக்கள் கொடுக்கும் முக்கியதுவத்தால் இந்த கற்பு கொள்ளையர் தினம் இன்றைக்கு இந்திய சமூகத்தில் புற்று நோய்போல் பரவி வருகின்றது. 
மக்களின் உணர்வு களை தூண்டி அதை பணமாக்க துடிக்கும் மேற்கத்திய பண முதலைகளினால் உருவாக்கப்பட்ட இந்த தினம் இன்று இந்தியாவில் உள்ள இளம் வயதினரையும் தொற்றிக்கொண்டது
கிறிஸ்துவ போதகர் வேலன்டைன் என்பரின் நினைவாக ரோம பாரம்பரியத்தின் வாயிலாக உருவானது தான் இந்த வேலன்டைன்ஸ் தினம் (Valentine day) பிப்ரவரி 14 ஆம் தேதி கொண்டாடப்படும் இந்த நாளை வணிகமயமாக்குவதற்காகவே மேற்கத்திய நாடுகள் இதை காதலர் தினமாக அறிவித்தது.
எதற்காக பிப்ரவரி 14 தேர்வு செய்யப்பட்டது என்பதற்கு எந்த சரியான வரலாறும் இல்லாத இந்த நாள், இன்றைக்கு பல பெண்களின் கற்பு பறிபோகும் நாளாக மாறிவிட்டது.
இன்றைக்கு உள்ள மீடியாக்கள் காதலை (காமக்களியாட்டத்தை) ஊக்கப் படுத்தும் வண்ணம் தனியாக பல்வேறு நிகழ்ச்சிகளை தயாரித்து வழங்கி சமுதாயத்தை சீரழித்து கொண்டு இருக்கின்றன. மீடியாக்கள் காதல் என்ற பெயரில் காமக் களியாட்டங்களில் ஈடுபடுவதை சாதாரணமான விஷயமாக்கிவிட்டது.
கேள் ஃபிரண்ட் இல்லாதவர்களை கோமாளிகள் போல் சித்தரித்து, கேள் ஃபிரண்ட் இல்லாத நல்ல ஒழுக்கம் உள்ள இளைஞர்களை ‘அடப்பாவி உனக்கு கேல் ஃபிரண்ட் இல்லையா? அப்ப நீ வேஸ்ட் என்று கூறும் அளவிற்கு காதலை கவுரமான விஷயமாக மாற்றி விட்டது.
உங்கள் காதலிக்கு, காதலனுக்கு SMS அனுப்புங்கள் அதை டிவியில் போடுகின்றோம் விலை வெறும் ரூ.3, ரூ.6 தான் என இளஞர்களின் உணர்வுகளை காசாக்கி கொண்டிருக்கின்றனர் மீடியாக்கள். இதை அறியாத அப்பாவி இளைஞர்களும் இளம் பெண்களும், இந்த காதல் எனும் சமூக சீர்கேட்டில் மூழ்கி வருகின்றனர்.
காதலிப்போர் கவனத்திற்க்கு :
காதல் என்பது ஒரு மாயை, இளம்வயதியில் வரும் உணர்வுகளின் வெளிப்பாடு, இதை நாம் கவனமாக கட்டுப்பாடுடன் வைத்து கற்பை காத்து கொள்ள வேண்டும். கட்டுப்பாட்டில் கொஞ்சம் கவனம் தவறினாலும் கற்பை இழந்து சமுதாயத்தில் இழிபிறவிகளாக நடமாட வேண்டியது தான்.
பெரும்பாலான காதல்கள் திருமணத்தில் முடிவதில்லை, திருமணத்தில் முடிந்த பெரும்பாலான காதல் பிரச்சனையில் தான் முடிந்துள்ளது. காதலிக்கும் போது நம்முடைய நற்குணங்கள், மட்டுமே வெளிப்படும், காதலுக்காக எதையும் செய்ய துணிவார்கள், ஆனால் திருமணத்திற்க்கு பிறகு நிஜவாழ்க்கைக்கு வந்த பிறகு குடும்பத் தின் கஷ்டம்தான் கண் முன்னே இருக்குமே தவிர கற்பனை காதல் அல்ல,
ஆசை வார்தைகளை மட்டுமே கண்ட காதல் வாழ்க்கை முடிந்து ஒருவரை ஒருவர் திட்டிக்கொள்ளும் வார்த்தை தான் மிஞ்சி இருக்கும். ஏன் இவளை திருமணம் செய்தோம் நம் தாய் தந்தையர் பார்த்த பெண்ணையே திருமணம் செய்து இருக்கலாம் என எண்ணம் வரும் பின்பு வாழ்க்கை கசந்துவிடும், பெற்றோர்களின் ஆதரவு இல்லாததால் , 
தன்னை காதலித்து திருமணம் செய்து கொண்டவன் என்ன தவறு செய்தாலும் பெரியவர்களிடம் முறையிட முடியாமல் போய்விடும், (காதலன் ) கணவன் செய்யும் எல்லா கொடுமைகளையும் சகித்துகொண்டும் வாழ வேண்டிய அவல நிலைக்கு நீங்கள் தள்ளப்படுவீர்கள். இன்று காதலுக்கு துணை நிற்க்கின்றேன் என்று சொல்லும் நண்பர்கள் எல்லாம் நாளை காணமல் போய்விடுவார்கள், வாழ்வில் கஷ்டம் மட்டுமே மிஞ்சி இருக்கும்.
சினிமாக்கள் தான் உங்களுக்கு தவறான வழிகாட்டுகின்றன, சினிமாவில் பார்ப்பது போல் இல்லை காதல், காதல் எங்கு போய் முடியும் என்றால், ஒன்று கற்பை இழந்து இழி பிறவிகளாக சமுதாயத்தில் நடமாடுவது, அல்லது காதலனை திருமணம் செய்தாலும் அவன் செய்யும் அனைத்து கொடுமைகளையும் சகித்து கொண்டு உதவ ஆளில்லா மல் கஷ்ட்டப்பட்டு கொண்டே வாழ்வது.
காதல் செய்வதால் ஏற்படும் இழப்புகள் :
இளம் பெண்களே! பெரும்பாலும் காதலிக்கும் இளைஞர்கள் தங்களுடைய உணர்வுகளுக்கு தீனிபோடவே பெண்களிடம் ஆசை வார்த்தை கூறி காதல் என்னும் மாய வலை யில் விழ வைத்து தங்கள் இச்சைகளை தீர்த்துகொள்கின்றனர். இது அறியாத அப்பாவி இளம் பெண்கள் ஆண்களின் ஆசை வார்த்தையில் மயங்கி தங்களுடைய கற்பை தொலைத்து மானம் இழந்து, மரியாதை இழந்து பெற்றோர்களுக்கு அவப்பெயரை ஏற்படுத்திகொடுத்து சமுதாயத்தின் இழி சொல்லுக்கும் பழி சொல்லுக்கும் ஆழாகின்றனர். நீங்கள் காதலிப்பதாலோ, காதல் என்ற போர்வையில் ஆண்களுடன் தவறான நடவடிக்கையில் ஈடுபடுவதினாலோ ஆண்களுக்கு எந்த நஷ்ட்டமும் இல்லை, அனைத்து நஷ்டமும், கஷ்டமும் பெண்களுக்குதான்.
காதல் காதல் என்று உங்களுடன் சேர்ந்து எல்லா தவறுகளும் செய்துவிட்டு அவனால் சமுதாயத்தில் நன்றாக வாழமுடிகின்றது, ஆனால் பெண்களாகிய உங்கள் நிலையை எண்ணி பாருங்கள், திருமணம் கடினமாகின்றது, பிறகு நமக்கு பிறக்கும் பிள்ளைகளுக்கு இந்த விஷயம் தெரிந்தால் நம்மை மதிப்பார்களா? சிந்தித்து பாருங்கள் இளம் பெண்களே! ஆண்கள் தன் இச்சையை தீர்த்துகொள்ள உங்களை ஏமாற்றுகின்றான், நம்பாதீர்கள், பெற்றோர் சொல்லும் அறிவுறையை கேட்டு நல்ல ஒழுக்கமுள்ள, ஆற்றல் உள்ள பெண்களாக சமுதாயத்தில் கண்ணியத்துடன் வலம் வாருங்கள், உங்களை பெற்று வளர்த்த பெற்றோர்களுக்கு நற்பெயரை வாங்கி கொடுங்கள், உங்கள் பிள்ளைகள் உங்களை மதித்து நடக்கும் படி சமுதாயத்தில் மதிப்புள்ள மங்கையாக வாழுங்கள். உணர்வுகளை கட்டுபடுத்தி கட்டுபாட்டுடன் இருந்தால் கண்ணியமாக வாழலாம்
படிக்கும் இளைஞர்களே!
காதலிக்காக ஒதுக்கும் நேரத்தை நம் படிப்பிற்க்காக ஒதுக்கினால் அரியர் இல்லாமல் (பெயில் ஆகாமல்) தெர்வில் தேர்ச்சி பெற்று நல்ல வேலையில் அமரலாம். நம்மை கஷ்ட்டப்பட்டு படிக்க வைக்கும் பெற்றோர்களை காப்பாற்றலாம், தன் பிள்ளை தன்னை வயதான காலத்தில் காப்பாற்றுவான் என கணவுகளுடன் உங்களை படிக்கவைக்கும் பெற்றோர்களுக்கு செய்யும் துரோகம் தான் காதல் என்ற பெயரில் உங்கள் நேரத்தையும் வாழ்கையையும் வீணடிப்பது.
இளைஞர்களே!
உங்களுடைய பொருளாதாரத்தை வீணாக்கும் கருவியாகத்தான் காதலிகள் இருக்கின்றனர். காதலியின் சின்ன சிரிப்பிற்க்காக உங்கள் பெற்றோர்கள் கஷ்ட்டப்பட்டு சம்பாதிக்கும் பணத்தை வீண்விரயம் செய்ய வேண்டுமா? சிந்தித்து பாருங்கள். சினிமாவை பார்த்து காதல் என்னும் மாய வலையில் விழுந்து தான் விரும்பும் பெண் தன்னை விரும்ப வில்லை என வாழ்க்கையை தொலைத்தவர்கள் எத்தனை பேர். நீங்கள் ஒரு பெண்ணை விரும்பி அந்த பெண் உங்களை புறக்கணித்தால் நீங்கள் மிகுந்த மன உலைச்சலுக்கு ஆளாவீர்கள் அது எப்போதும் உங்களை சோகத்திலேயே வைத்திருக்கும், வாழ்வில் சந்தோஷம் என்பதே பிறகு இருக்காது. உங்கள் ஆற்றல் அறிவு , கல்வி அனைத்தையும் இழந்து மன நோயாளியாக உலகத்தில் உலாவர வேண்டி இருக்கும். இளைஞர்களே! இது உங்களுக்கு தேவையா? எனவே காதலிக்க வேண்டும் என கனவில் கூட நினைக்காதீர்கள். வாழ்கை இழந்து மன நோயாளியாகிவிடுவோம்.
காதலும் (காம களிய்யாட்டங்களும்) விபச்சாரம்தான்
காதல் என்ற பெயரில் நடைபெறும் அநாச்சாரங்கங்கள் மற்றும் அசிங்கங்கள் அதிகரிக்க இஸ்லாம் எந்த அளவிற்கு இதை தடை செய்துள்ளது என்ற விழிப்புணர்வு இல்லாததே காரணம் . காதலும் ஒரு விபச்சாரம் தான் என்ற அறிவு நம் பெற்றோர்களிடத்திலும் பிள்ளைகளிடத்திலும் இருந்திருந்தால் இந்த தீமைகளில் இருந்து விலகி இருக்க முடியும்.
இறைவனின் தூதர் நபி (ஸல்) அவர்கள் கூறினார்கள்
“விபச்சாரத்தில் ஆதமுடைய மகனுக்குள்ள பங்கை இறைவன் எழுதியுள்ளான். அதை அவன் அடைந்தே தீருவான். கண் செய்யும் விபச்சாரம் பார்வையாகும். நாவு செய்யும் விபச்சாரம் பேச்சாகும். மனம் ஏங்குகின்றது. இச்சை கொள்கின்றது. பிறப்பு உறுப்பு இவை அனைத்தையும் உண்மையாக்குகின்றது; அல்லது பொய்யாக்குகின்றது”
(நூல்: புகாரி 6243)
தவறான பார்வையையும், சிந்தனையையும், பாலியல் தொடர்பான பேச்சுக்களையும் விபச்சாரத்தின் ஒரு பகுதி என்று இறைவனின் தூதர் நபி (ஸல்) அவர்கள் கூறியுள்ளார்கள். எனவே காதல் என்ற பெயரில் நடந்து வரும் காமக் களியாட்டங்களுக்கு இஸ்லாத்தில் எள்ளளவும் அனுமதி இல்லை. ஒருவர் ஒரு பெண்ணை மணம் முடிக்க விரும்பினால் அந்தப் பெண்ணின் பொறுப்பாளர்களிடம் போய் பேசி, மணம் முடித்துக் கொள்ள வேண்டும்இது தான் இஸ்லாம் கூறும் வழிமுறை.
மேற்குரிய அறிவுரைகளை பெற்றோர்கள் பிள்ளைகளுக்கு சிறுவயது முதல் கூறி இந்த காதல் எனும் சீர்கேட்டில் பிள்ளைகள் விழுந்து விடாமல் பாதுகாக்க வேண்டும்.ஆனால் மாணவ, மாணவியர் எப்படிக் காதலிக்க வேண்டும் என்ற கேடு கெட்ட கலாச்சாரத்தை டி.வி.க்கள் கற்றுக் கொடுக்கின்ற போது. பெற்றோரும் சேர்ந்து கொண்டு தான் அதை பார்க்கின்றனர்.விளைவு, பிள்ளைகள் பரீட்சையில் பெயிலாகுவது ஒருபுறமிருக்க யாருடனேனும் ஓடிப்போகும் போது பெற்றோர்கள் அவமானப்பட்டு தற்கொலை செய்து கொள்ளும் அளவிற்கு சென்று விடுகின்றனர்.
பெற்றோர் செய்கின்ற மற்றொரு பெரிய தவறு, தங்கள் பிள்ளைகளுக்கு செல்போன்கள் வாங்கிக் கொடுப்பதாகும்.செல்போன் பிள்ளைகளின் ஒழுக்க வாழ்வையும் பாழாக்கிக் கொண்டிருக்கிறது. பல்வேறு முனைகளில் செல்போன்கள் நமது பிள்ளைகளை ஒழுக்கக் கேட்டிற்கும், சீரழிவிற்கும் இழுத்துச் செல்கின்றன.செல்போன்களில் நடமாடும் பாலியல் வக்கிர, ஆபாச செயல்கள் இளைஞர் மற்றும் இளைஞிகளிடையே இன்றைக்கு சர்வசாதாரணமாக நடைபெற்று கொண்டிருக்கின்றது.
தங்கு தடையற்ற காதல் பேச்சுக்கள் இந்த செல்போன்களில் தான் நடைபெறுகின்றது: எந்த ஓர் ஆணும், பெண்ணும் நேரில் சந்திக்கும் போது, அவர்களது வெட்க உணர்வுகள் அவர்களிடமிருந்து வார்த்தைகள் வெளிவருவதைத் தடுத்து விடும். அத்துடன் சமுதாயத்தின் கழுகுப் பார்வைகள், சமூகக் கட்டுப்பாடுகள் பெரிய திரைகளாக நின்று, பெரும் தீமைகள் நடைபெறாமல் காக்கின்றன. ஆனால் இந்த வெட்கத் தடைகளையும், சமூகத் தடைகளையும் செல்போன்கள் தகர்த்தெறிந்து, தங்கு தடையற்ற செக்ஸ் பேச்சுக்களைப் பரிமாற்றம் செய்வதற்குத் துணை புரிகின்றன. வாலிப வயது ஆண், பெண் இருபாலரும் செல்போன்களை செக்ஸ் போன்களாகத் தான் பயன்படுத்துகின்றனர்.
இந்த காதல் எனம் சீர்கேட்டால் சமூகத்தின் ஒழுக்கம் எனும் கட்டமைப்பே சீர் குழைந்து விட்டது. எந்த அளவுக்கென்றால் திருமணததிற்கு முன் இப்போழுதெல்லாம் பெண்களுக்கு கன்னி பரிசோதனை (virgin test) நடத்தபடுகின்றது. இந்த காதல் சமூகத்தில் அவ்வளவு ஒழுக்க சீர்கேட்டை கொண்டு வந்துள்ளது.
இந்த காதலினால் ஒழுக்க கேடான விஷயங்கள் ஒருபுறமிருக்க இதையெல்லம் மிஞ்சும் அளவிற்கு இந்த காதல் என்ற சீர் கேட்டால் எத்தனை உயிர்கள் பறிபொகின்றது.தன்னை பெற்றத் தாய் வளர்த்த தந்தை தன்னை நேசிக்கவில்லை என எந்த ஒரு இளைஞனும் தற்கொலை செய்து கொண்டுள்ளானா? ஆனால் காதலி நேசிக்காததால் காதலன் தற்கொலை என்ற செய்தியை நிறை கேள்விபட்டிருப்போம். மகள் அல்லது மகன் ஓடிப்போய்விட்டதால் பெற்றோர்கள் அவமானத்தில் தற்கொலை செய்கின்றனர்.
பிள்ளைகளை ஒழுக்கத்துடன் ஒழுங்காக வளர்த்திருந்தால் இந்த அவல நிலை பெற்றோர்களுக்கு ஏற்படுமா? விட்டில் காதலுக்கு சம்மதிக்காததால் காதல் ஜோடி தற்கொலை! இந்த செய்தியும் பத்திரிக்கைகளில் அதிகம் பார்த்திருப்பீர்கள். ஆரம்பத்திலேயே காதல் சீர்கேட்டை பிள்ளைகளுக்கு புரிய வைத்திருந்தால் பிள்ளைகளை பரிகொடுக்கும் அவள நிலை பெற்றோர்களுக்கு ஏற்படுமா? தன் காதலியை காதலித்தவனை ஆத்திரத்தில் கொலை செய்த காதலன். அல்லது இன்னொருத்தவனை காதலித்ததால் காதலியை கொன்ற காதலன். இந்த செய்தியை பத்திரிக்கைகளில் பார்த்திருப்பீர்கள்.
இதில் கள்ளக் காதல் வேறு! அதில் ”கள்ளக் காதலன் கொலை” அல்லது ”கள்ளக் காதலி கொலை” என்று உயிர் பலி இதை விட அதிகம் என்பது பத்திரிக்கைப்படிப்பவர்களுக்கு தெரியும்.
இப்படி உயிர் கொல்லியமாகவும், ஒழுக்கக் கேட்டை கட்டவிழுத்து விடும் செயலாகவும் இருக்கும் இந்த காதலுக்கு ஒரு தினம் வைத்து உலகம் முழுவதும் கொண்டாடப்படுகின்றது. இதற்கெல்லாம் காரணம் எவன் செத்தாலும் எங்களுக்கு கவலை இல்லை எங்களுக்கு பணம் தான் முக்கியம் என்று மீடியாக்கள் கொஞ்சம் கூட சமுதாய அக்கரை இல்லாமல் செயல்பட்டு இந்த காதலை ஊக்கப்படுத்திக் கொண்டிருப்பதினால் தான்.
இப்படி காதலை ஆதரிப்பவர்களிடம் போய் ‘சார் நான் உங்க பொன்ன லவ் பன்னிக்கவா?’ என்று கேட்டால் ”டேய்! உன்ன ஈவ்டிசிங்ல போலிஸ்ல புடுச்சுகொடுத்துடுவேன்” என்று தான் கூறுவார்கள். ஏன் காதலித்தவர்ளே திருமணத்திற்கு பிறகு நம்ம பிள்ளைகள் காதல் கத்தரிக்கான்னு போய்விடக்கூடாது என்று தான் நினைப்பார்கள். அவ்வளவு ஏன்?, ஒரு பென்ணை காதலிக்கும் இளைஞன் தான், தன் அக்காவையோ அல்லது தங்கையையோ யாரேனும் காதலித்தால் முதலில் சன்டைக்கு போவான்.
அடுத்தவன் பிள்ளை நாசமா போனா பறவாயில்லை உன் அக்கா தங்கை நாசமாகிவிடக்கூடாது என்று சுய நலத்தோடு யோசிக்கும் இளைஞர்களே சமுதாய அக்ரையோடு நடந்து கொள்ளுங்கள்!
டிசம்பர் 1 ஆம் தேதிக்கு காரணமே பிப்ரவரி 14 ஆம் தேதி தான்
எய்ட்ஸ் எனும் உயிர்க் கொல்லி நோயை ஒழிக்க டிசம்பர் 1 உலக எய்ட்ஸ் நாளாக அனுசரிக்கப்படுகின்றது. எயிட்ஸ் நோய் வர காரணமாய் இருக்கும் காமக் களியாட்டங்களை (காதலை) அங்கீகரிக்கும் இந்த காதலர் (கற்பு கொள்ளையர் ) தினமும் உலக எயிட்ஸ் தினமும் ஒன்றே. எயிட்ஸ் நோய் போன்ற கொடிய நோய்கள் பரவ இது போன்ற காம களியாட்டங்களை அறங்கேற்றும் விழாகள் முதல் நிலை காரணிகளாய் இருக்கின்றன. எயிட்ஸ் நோய் பற்றி விழிப்புணர்வு ஏற்படுத்தும் அரசு எயிட்ஸ் நோய் வர காரணமாய் இருக்கும் இந்த காதலுக்கு (காம களியாட்டத்திற்க்கு) எதிராகவும் விழிப்புணர்வு பிரச்சாரம் செய்ய வேண்டும்.
சமுதாய அக்கரையுள்ள இளைஞர்களும், பிள்ளைகள் ஒழுக்கத்துடன் இருக்க வேண்டும் என்று நினைக்கும் பெற்றோர்களும் இந்த பிப்ரவரி 14-ஐ புறக்கணித்தால் உயிர் பலிகளும் சமூக சீர்கேடுகளும் அசிங்கங்களும் மற்றும் திருணமத்திற்கு முன்பே கற்பு பறிபோகும் நிலையும் ஏற்படாமல் நமது சமுதாயத்தை காப்பாற்றலாம்!
பிப்ரவரி 14 – கற்பு கொள்ளையர் தினம்!
பிப்ரவரி 14 – கற்பு கொள்ளையர் தினம்!

பிரப்வரி 14 : காதலர் தினம் என்ற பெயரில் பெண்களின் கற்பை சூறையாடும் கற்பு கொள்ளையர் தினமாக கொண்டாடப்பட்டு வருகின்றது. மீடியாக்கள் கொடுக...

மேலும் படிக்க »

Mohamed Farook Mohamed Farook Author
Title: காதல் மூலம் ஸாலிஹான துணையை அடைய முடியுமா? - ஒர் சிறப்பு பார்வை!!
Author: Mohamed Farook
Rating 5 of 5 Des:
காதல் என்ற வழிமுறை காதல் என்ற வழிமுறை மூலம் ஸாலிஹான துணையை அடைந்து கொள்ள முடியுமா? அல்லது காதல் என்பது மிகச் சரியான அல்லது ஸாலிஹான...

காதல் என்ற வழிமுறை காதல் என்ற வழிமுறை மூலம் ஸாலிஹான துணையை அடைந்து கொள்ள முடியுமா? அல்லது காதல் என்பது மிகச் சரியான அல்லது ஸாலிஹான துணையை அடைந்து கொள்வதற்கு ஷரீஅத் அனுமதித்த ஒரு வழிமுறையா? இல்லையா?
எனது மாணவர்களிடம் நான் அதிகம் எதிர்கொள்ளும் கேள்விகளுள் இதுவும் ஒன்று. இதில் சுவாரஷ்யம் என்னவென்றால்,  அவர்கள் இந்தக் கேள்வியைக் கேட்கும்போது,  “சேர்,  இதனை நாம் எமக்காகக் கேட்கவில்லை. எங்களிடம் பலர் இதுபற்றிக் கேட்கிறார்கள். அவர்களுக்கு விளக்கம் சொல்வதற்காகவே கேட்கிறோம்” என்பார்கள். பிறருக்காகக் கேட்பதாக இருக்கலாம். தமக்காகவே கேட்பதாக இருக்கலாம். எவ்வாறு இருப்பினும் இன்று இளைஞர் யுவதிகளிடத்தில் இது முக்கியமானதொரு கேள்வி என்பது மாத்திரம் உண்மை. அந்தவகையில் காதல் குறித்த சில வார்த்தைகளைப் பரிமாறிக் கொள்வது இந்தப் பத்தியின் நோக்கம்.
இன்றைய ஊடகங்கள்,  சினிமாக்கள் போன்றன காதலை மனித நாட்டத்திற்கு அப்பால்பட்ட ஒரு செயலாகவே சித்தரிக்கின்றன. அது அறிவுபூர்வமாக நடைபெறுகின்ற ஒரு விடயமல்ல. காதல் தன்னையறியாமலே தனக்குள் நுழைந்து விடும். அதனைத் தவிர்ந்து கொள்வது சாத்தியமில்லை. யாரும் அதிலிருந்து தப்ப முடியாது என்ற ஒரு பிரமையை ஏற்படுத்தியிருக்கின்றன. அதனைக் குறிக்கும் வகையிலேயே ‘காதலில் விழுதல்’ என்ற பிரயோகத்தைப் பயன்படுத்துகின்றனர். காதல் என்பது நின்று நிதானித்து சிந்தித்து எடுக்கும் முடிவு அல்ல. அது தன்னை மீறி நடைபெறும் ஒரு விடயம் என்பதே இந்த வார்த்தையின் மூலம் நாடப்படுகிறது.
 
காதல் குறித்த இந்தப் பார்வை மனித இயல்புக்கும் முரணானது,  ஷரீஅத்திற்கும் முரணானது. ஆனால் இந்த இடத்தில் இஸ்லாம் ஏற்றுக் கொண்ட ஒரு உண்மை இருக்கின்றது. ஒரு பெண் மீது ஆணுக்கு விருப்பம் ஏற்படுவதும்,  ஒரு ஆண் மீது பெண்ணுக்கு விருப்பம் ஏற்படுவதும் இயற்கையானது. இதனை இஸ்லாம் மறுக்கவில்லை. இந்த விருப்பத்தின் அடிப்படையிலேயே ஆணும் பெண்ணும் இணைந்து வாழ முடியும். ஆனால் அந்த விருப்பம் மனித நாட்டத்திற்கு அப்பால்பட்டு நடைபெறுகின்ற ஒரு விடயமாக இஸ்லாம் கூறவில்லை.
 
அடுத்து,  காதல் பரஸ்பர புரிந்துணர்வையும் நம்பிக்கையையும் கட்டியெழுப்புகிறது. எனவே, காதலித்து திருமணம் செய்யும் போது அந்தக் குடும்ப வாழ்வு நிலைக்கிறது. எந்தப் பிரச்சினையையும் எந்த சவாலையும் அவர்களது காதல் சமாளித்து விடும். காதல் என்பது இன்பமயம் என்று சிலர் காதலை விளங்கப்படுத்த முற்படுகின்றனர். இந்த எண்ணமும் வெறுமனே ஒரு கற்பனை மாத்திரமே. இங்கு நாம் ஒரு கேள்வியை நியாயமாகக் கேட்டுப் பார்க்க வேண்டும். திருமணத்திற்குப் பின்னர் அவசியமான புரிந்துணர்வை திருமணத்திற்கு முன்னர் செய்யும் காதல் உண்மையில் வழங்குகிறதா?
 
பல உளவியல் அறிஞர்கள் தெரிவிப்பது போல், திருமணத்திற்கு முன்னர் ஆணுக்கும் பெண்ணுக்கும் இடையில் நடைபெறும் காதல் உறவு உண்மைத்தன்மை மீது அமைவதை விடவும் ஒரு வித போலித்தன்மை மீதே அமைகின்றது. இருவரும் பரஸ்பரம் ஒருவர் மற்றவர் முன்னே நடித்துக் கொண்டிருக்கும் நிலையே காணப்படுகிறது. ஒருவர் தனது எதிர்மறைப் பக்கங்களை வெளிப்படுத்தவும் மாட்டார். மற்றவருடைய எதிர்மறைகளைக் கண்டு கொள்ளவும் மாட்டார். ஒருவித கற்பனை உலகிலேயே இருவரும் சஞ்சரித்துக் கொண்டிருப்பர். இது புரிந்துணர்வு, நம்பிக்கை என்பவற்றுக்கு முற்றிலும் எதிரான நிலை என்பதில் சந்தேகமில்லை. அங்கு புரிந்துணர்வு ஏற்படுவதற்கான வாய்ப்பு இல்லை.
 
சில வெளிப்படையான விடயங்கள் அறியப்பட முடியும். ஆனால் குடும்ப வாழ்வுக்கான புரிதல், திருமணத்திற்கு முன்னரான காதலால்தான் ஏற்படுகிறது என்ற பில்டப் தவறானது. அடுத்து, இன்று காதலிப்பவர்களின் நோக்கம் எவ்வாறு இருக்கிறது?  எதற்காகக் காதலிக்கிறார்கள்?  ஒரு ஆய்வறிக்கை சொல்கிறது.
 
வெறுமனே களிப்பிற்கும் பொழுது போக்கிற்கும் 30 வீதமான ஆண்களும் 20 வீதமான பெண்களும் காதலிக்கிறார்கள். பாலியல் நோக்கத்திற்காக மாத்திரம் 65 வீதமான ஆண்களும் 5 வீதமான பெண்களும் காதலிக்கிறார்கள். திருமண நோக்கத்திற்காக 20 வீதமான ஆண்களும் 75 வீதமான பெண்களும் காதலிக்கிறார்கள். இங்கு முதல் இருவகையான நோக்கங்களும் மிகத் தெளிவாக இஸ்லாத்தில் அனுமதிக்கப்படாதவைகளாகும். அதிலும் குறிப்பாக ஆண்களைப் பொறுத்தவரையில் அதிகமானவர்கள்,  தனித்து பாலியல் ஆசைகளைத் தீர்த்துக் கொள்ளும் நோக்கிலேயே காதலில் ஈடுபட நினைக்கிறார்கள். (பெண்களே உஷார்!) காதலின் இந்த வடிவத்தை இஸ்லாம் ஒருபோதும் ஏற்றுக் கொள்வதில்லை. திருமண நோக்கமில்லாத வெறுமனே டைம் பாஸிங்காக இருப்பினும் அதனைத் தாண்டிச் சென்று பாலியல் ஆசைகளைத் தீர்த்துக் கொள்வதாக இருப்பினும் அவை இஸ்லாத்தில் ஹராமானவை என்பதில் சந்தேகமில்லை. சிலரிடத்தில், காதல் அனுமதிக்கப்பட்டதா? என்று வினவினால் திருமணத்திற்கு முன்னர் அனுமதிக்கப்படவில்லை. திருமணத்திற்குப் பின்னர் அனுமதிக்கப்பட்டுள்ளது என்பர். இந்தப் பதில் பொதுப்படையாக சரியானது என்றிருப்பினும் இக்கருத்தை இன்னும் சற்று நுணுகிப் பார்த்தல் வேண்டும் என நினைக்கிறேன். ஏனெனில்,  இந்தப் பத்தியில் காதல் என்ற சொல்லின் மூலம் திருமணத்திற்கு முன்னர் ஒரு இளைஞனுக்கும் யுவதிக்குமிடையில் தோன்றும் உறவு குறித்தே பேசப்படுகிறது.
மாற்றமாக அதன் பொதுப்படையான கருத்தில் தத்துவார்த்தமாகப் பயன்படுத்தப்படவில்லை. எனவே, திருமணத்திற்கு முன்னர் இன்றைய இளைஞர் யுவதிகள் மத்தியில் பரவலாகக் காணப்படும் அந்த உறவின் உளவியல், ஷரீஅத் பக்கங்கள் குறித்தே இங்கு பேசப்படுகின்றது.  அந்தவகையில் இன்று அந்த உறவு தவிர்க்கப்பட முடியாத, மனித நாட்டத்திற்கு அப்பால்பட்டு நிகழும் ஒரு செயல் என்ற கருத்தும்,  அதன் மூலமே திருமண வாழ்வின் புரிந்துணர்வும், நம்பிக்கையும் கட்டியெழுப்பப்பட முடியும் என்ற எண்ணமும் திருமண நோக்கமின்றி வெறுமனே களிப்புக்கும்,  பாலியல் தேவைக்குமாக மாத்திரம் நடைபெறும் நிலையும் தெளிவாக இஸ்லாம் ஏற்றுக் கொள்ளாத விடயங்களாகும். எனின், காதல் என்ற விடயத்தில் இஸ்லாம் மறுதலிக்காத பகுதிகள் என்ன? என்ற ஒரு கேள்வி தோன்ற முடியும்.
 
ஆம், காதல் என்ற விடயத்தில் இஸ்லாம் மறுதலிக்காத ஒரு பக்கம் இருக்கிறது. அதுதான் காதலை ஒரு உணர்வாக இஸ்லாம் மறுக்கவில்லை. அதாவது அல்லாஹ்வின் படைப்பியல்பில், ஒரு ஆண் பெண்ணை விரும்புவதும், பெண் ஆணை விரும்புவதும் இயற்கையானது. அந்தவகையில், தனக்குப் பொருத்தமான வாழ்க்கைத்துணை என்ற வகையில் குறித்த ஒரு ஆணுக்கு ஒரு பெண் மீதோ, குறித்த ஒரு பெண்ணுக்கு ஒரு ஆண் மீதோ நியாயமாக ஒரு விருப்பம் ஏற்படுவதை இஸ்லாம் ஹராம் என்று கருதவில்லை. அசிங்கம் என்று கூறவில்லை. பொழுதுபோக்கு நோக்கமோ, பாலியல் நோக்கமோ இன்றி குடும்ப வாழ்வு என்ற நோக்கத்தின் அடிப்படையில் எழுகின்ற நியாயமான மன உணர்வை இஸ்லாம் என்றைக்கும் மதிக்கிறது. இதற்கான பல உதாரணங்களை இஸ்லாமிய வரலாற்று நெடுகிலும் நாம் காணலாம்.
 
ஓரிரு உதாரணங்களை மாத்திரம் கீழே தருகிறேன். நபியவர்கள் காலத்தில் இரு அடிமைகள் ஒருவரை ஒருவர் விரும்பினர். அவ்விருவரில் அடிமைப் பெண்ணுக்கு குறித்த குடும்பத்தினர் வேறு ஒரு இடத்தில் திருமணம் பேசவே, அந்தப் பெண் மறுத்து விட்டாள். தனக்கு தான் விரும்பும் அடிமையையே திருமணம் செய்து தருமாறு கேட்டாள். விடயம் நபியவர்கள் வரை வந்தது. விடயத்தை விசாரித்த நபியவர்கள் குடும்பத்தினரை அழைத்து “காதலர்களுக்கு சிறந்த தீர்வு திருமணம் தான்” என்றார்கள். (இப்னு மாஜா)
இங்கு நபியவர்கள்,  அவர்கள் இருவர் மத்தியில் காணப்பட்ட விருப்பத்தைத் தவறாகக் காணவில்லை. மாத்திரமன்றி அந்த விருப்பத்தை மதித்து அவர்களை சேர்த்து வைப்பதே நியாயமானது என்று குறிப்பிட்டுள்ளதையும் காணலாம்.
 
அலி (றழி) அவர்களிடம்,  குறித்த ஒரு வீட்டில் திருட முற்பட்டதாக ஒரு இளைஞனைக் கொண்டு வந்தார்கள். அலி (றழி) அவர்கள் அவனிடம் காரணம் கேட்டபோது,  நான் திருட வரவில்லை. அந்த வீட்டிலுள்ள அடிமைப் பெண்ணை தான் நேசிப்பதாகவும் அவளைப் பார்க்கவே வந்ததாகவும் அழகிய கவிதை வரிகளில் கூறினான். அவனது கதையைக் கேட்டு அலி (றழி) அவர்கள் அவன் மீது இரக்கப்பட்டார்கள்.
 
அந்தக் குடும்பத்தாரிடம் அந்தப் பெண்ணை இவனுக்கு திருமணம் செய்து வையுங்கள். தேவை என்றால் உங்களுக்கு அவளுக்குப் பகரமாக வேறு ஒரு அடிமையைத் தருகிறோம் என்றார்கள். அப்போது அவர்கள் இவனது குடும்பத்தைப் பற்றி எங்களுக்குத் தெரியாது என்று கூறவே அவன் தன் குடும்பப் பெயரைக் கூறினான். உடனே இவள் உனக்குத்தான் எடுத்துக் கொள் என்று குடும்பத்தினர் கூறினர். இந்தச் சம்பவத்தில் அலி (றழி) அவர்கள் காதலுக்காகப் பரிந்து பேசியிருக்கிறார்கள். அத்துடன் இந்தச் சம்பவங்களில் நியாயமாக திருமண நோக்கம் இருக்கின்ற பொழுது அந்த விருப்பங்களை எவரும் தவறாக நோக்கவில்லை என்பதைப் புரிந்து கொள்கிறோம்.
 
எனவே, காதலை ஒரு உணர்வாக இஸ்லாம் ஏற்றுக் கொள்கிறது. அந்த உணர்வு ஹராமானதல்ல. ஆனால் காதல் என்ற விடயத்தில் இஸ்லாம் மறுக்கின்ற மிக முக்கியமான பகுதி எதுவெனின்? இன்று காதல் என்ற பெயரில் நடைபெறுகின்ற அதன் செயற்பாட்டு வடிவங்களை இஸ்லாம் ஏற்றுக் கொள்ளவில்லை. குறிப்பாக இன்று காதலர்கள் மத்தியில் காணப்படுவது போன்ற எல்லை மீறிய செயற்பாடுகளை அவை இருவரும் மாத்திரம் தனியாக ஊர் சுற்றுவதாகவோ, தொடுகைகளாகவோ,  முத்தங்களாகவோ எந்த வடிவில் அமைவதையும் இஸ்லாம் ஏற்றுக் கொள்வதில்லை.
 
அஜ்னபியான ஆணுக்கும் பெண்ணுக்குமிடையில் இஸ்லாம் தனித்திருத்தலைத் தடைசெய்திருக்கிறது,  தொடுகையைத் தடைசெய்திருக்கிறது,  பார்த்தல் பேசுதல் போன்ற செயற்பாடுகளில் மிகுந்த வரையறைகளை இட்டிருக்கிறது. காதலிப்பவர்களது புறச் செயற்பாடுகள் இன்று இவற்றில் ஏதேனும் ஒரு வடிவத்திலேயே அமைகின்றன. அந்த வகையில் உணர்வாக அனுமதிக்கப்பட்டாலும் அதன் இவ்வகையான செயற்பாட்டு வடிவங்களை இஸ்லாம் சரி காணவில்லை. இவை மிகத் தெளிவாக ஹராமாக்கப்பட்டவைகளாகும்.
 
இறுதியாக, காதலர்களையும், காதலர்களின் பெற்றோரையும் நோக்கி சில உபதேசங்களைப் பரிமாறிக் கொள்ள நினைக்கிறேன்.
1. சகோதரர்களே,  சகோதரிகளே, காதல் ஒரு உணர்வாக சுகமானதுதான். அது தவறானதும் இல்லை. ஆனால் குடும்ப வாழ்க்கை என்பது பொறுப்புமிக்கது. பாரமானது. சுகங்களின் மீது மாத்திரம் அது கட்டப்படவில்லை. உங்கள் காதல் குடும்ப வாழ்வின் பொறுப்பை உணர்ந்து கொண்டதாய் அமையட்டும்.
2. சகோதரர்களே,  சகோதரிகளே,  குடும்ப வாழ்வு ஒரு வணக்கம். நன்மை தரக்கூடியது. திருமணத்தின் பின் மனைவியை நோக்கிய ஒவ்வொரு செயலுக்கும் நன்மை இருக்கிறது. ஆனால் திருமணத்திற்கு முன்னர் காதல், உணர்வு என்ற எல்லையைத் தாண்டுகின்ற பொழுது ஒவ்வொரு செயலும் பாவமாக மாறிவிட வாய்ப்பிருக்கிறது. உங்கள் காதல் பாவமாக அமையாமல் பார்த்துக் கொள்ளுங்கள்.
 
3. சகோதரர்களே,  சகோதரிகளே, ஆணிலும் பெண்ணிலும் அல்லாஹ்தஆலா எதிர்ப்பால் கவர்ச்சியை ஏற்படுத்தியிருப்பது, ஆணினதும் பெண்ணினதும் பரஸ்பர ஒத்துழைப்பின் அடிப்படையில் இவ்வுலகில் மனித இனம் நீண்டு நிலைத்து நிற்க வேண்டும் என்பதற்காகவாகும். உங்களது காதல் அந்த நோக்கத்தை மறந்து வெறுமனே பொழுது போவதற்காகவும் அற்ப பாலியல் ஆசைகளுக்காகவும் அமைந்து விடக் கூடாது.
4. சகோதரர்களே, சகோதரிகளே, உங்கள் வாழ்க்கைத் துணையைத் தெரிவு செய்யும் உரிமை உங்களுக்கு இருக்கிறது. அதேவேளை உங்களது தீர்மானம் சரியாக அமையும் வகையில் உங்களுக்கு வழிகாட்டும் உரிமை உங்கள் பெற்றோருக்கு இருக்கிறது என்பதையும் மறவாதீர்கள். அந்தவகையில் எனக்கு விருப்பம் என்பதை மட்டும் வைத்து முடிவு செய்ய நினைக்காதீர்கள். பெற்றோரின் விருப்பமும் முக்கியமானதுதான். ஏனெனில், திருமணம் என்பது ஒரு ஆணும் பெண்ணும் இணைவது மட்டுமல்ல அது இரண்டு குடும்பங்களின் இணைவும்தான்.
5. சகோதரர்களே,  சகோதரிகளே,  புறத்தோற்றம் மாத்திரம் நீங்கள் காதல் கொள்வதற்குக் காரணமாக அமைந்து விடக் கூடாது. புறத்தோற்றத்திற்கு அப்பால் குணங்கள், நடத்தைகள்தான் குடும்ப வாழ்வின் சந்தோசத்திற்கு அவசியப்படுகின்றன என்பதை உணர்ந்து கொள்ளுங்கள்.
6. சகோதரர்களே, சகோதரிகளே,  ஒருவர் மீது உங்களுக்கு விருப்பம் தோன்றியது என்று வைத்துக் கொள்ளுங்கள். உங்களையே நீங்கள் மூன்று கேள்விகளைக் கேட்டுப் பார்த்துக் கொள்ளுங்கள்.
– அவர் மீது நான் ஏன் விருப்பப்பட்டேன்?  (திருமண நோக்கமா? பொழுது போக்கா? பாலியல் நோக்கமா? புறத்தோற்றமா? நடத்தைகளா?)
– அவரைத் திருமணம் செய்வதால் எனக்கு என்ன பயன்? (உலக மறுமைப் பயன்கள்)
– அவரைத் திருமணம் செய்வதால் எனது குடும்பத்திற்கு என்ன பயன்? (நற்பெயர்,  களங்கம்)
7. சகோதரர்களே, சகோதரிகளே, ஒருவர் மீது விருப்பம் தோன்றியது,  அந்த விருப்பம் மிக நியாயமானது என்பதில் நீங்கள் திருப்தியுடன் காணப்பட்டால் உங்கள் குடும்பத்தில் யாரிடம் கூறினால் அடுத்த கட்ட நடவடிக்கை எடுக்கப்படுமோ அவரிடம் மாத்திரம் கூறுங்கள். அல்லாஹ்விடம் பொறுப்புச் சாட்டுங்கள். தயவுசெய்து பலரிடம் பேசி உங்களை நீங்களே அவமானப்படுத்திக் கொள்ளாதீர்கள். மாத்திரமன்றி,  உங்களுக்குக் கிடைத்துள்ள நிஃமத்தைப் பார்த்து பிறர் பொறாமைப்படவும் வாய்ப்பிருக்கிறது. நபியவர்கள் கூறினார்கள் உங்கள் தேவைகளை இரகசியமாக நிறைவேற்றிக் கொள்ளுங்கள். ஏனெனில் நிஃமத்துகளைப் பார்த்து பிறர் பொறாமைப்படுவார்கள் என்றார்கள்.
8. பெற்றோர்களே,  இன்றைய சூழலில் உங்கள் பிள்ளைகள் காதல் உறவை ஏற்படுத்திக் கொள்வதற்கான எல்லா புற வாய்ப்புக்களும் இருக்கின்றன என்பதை மறவாதீர்கள். எனவே அவர்கள் மீதான உங்கள் அன்பும், அக்கறையும் மிகவும் அதிகமாக இருக்கட்டும். குடும்பத்தில் கிடைக்காத அன்பைத்தான் பிள்ளைகள் வெளியில் தேடிப் போகிறார்கள்.
9. பெற்றோர்களே,  வயது வந்த உங்கள் பிள்ளைகளுடன், மனம்விட்டு உரையாடுங்கள். அவர்களது மனநிலைகள், விருப்பு வெறுப்புக்கள், பிரச்சினைகளைத் தெரிந்து கொள்ளுங்கள். பெற்றோருடன் நட்பான உறவு இன்மையே இளைஞர்களின் பாதிப் பிரச்சினையாகும்.
10. பெற்றோர்களே,  அவர்கள் தமது காதலைச் சொன்னால், அவசரப்பட்டுக் கோபம் கொள்ளாதீர்கள். நிதானமாக அணுகுங்கள். விடயத்தைப் புரிந்து கொள்ள முற்படுங்கள். பொறுத்தமில்லாத போது,  வேண்டாம் என்ற ஒற்றை வார்த்தையில் மறுத்துரைக்காதீர்கள். அது பொறுத்தமற்றது என்பதை அவர்களாகவே உணர்ந்து கொள்ள வழி செய்யுங்கள். ஆனால் அவர்களது காதல் நியாயமானது பொறுத்தமானது என்றிருக்கும் போது,  அவர்களைச் சேர்த்து வைக்கவும் தயங்காதீர்கள். அல்லாஹ்வே போதுமானவன்.
கட்டுரைக்கு மிக்க நன்றி –  அக்ரம் அப்துஸ் ஸமத்.
காதல் மூலம் ஸாலிஹான துணையை அடைய முடியுமா? - ஒர் சிறப்பு பார்வை!!
காதல் மூலம் ஸாலிஹான துணையை அடைய முடியுமா? - ஒர் சிறப்பு பார்வை!!

காதல் என்ற வழிமுறை காதல் என்ற வழிமுறை மூலம் ஸாலிஹான துணையை அடைந்து கொள்ள முடியுமா? அல்லது காதல் என்பது மிகச் சரியான அல்லது ஸாலிஹான...

மேலும் படிக்க »

பொங்கல் மதப் பண்டிகை அல்ல! அது அறுவடைத் திருநாள்!-ஆளூர் ஷானவாஸ்

vkrnajur vkrnajur Author
Title: பொங்கல் மதப் பண்டிகை அல்ல! அது அறுவடைத் திருநாள்!-ஆளூர் ஷானவாஸ்
Author: vkrnajur
Rating 5 of 5 Des:
"பொங்கல் திருநாளில் சூரியனையும் மாட்டையும் வணங்கி படையல் வைக்கப்படுவதனால், அதைக் கொண்டாட முடியாது" என காரணம் கூறுபவர்களிடம் ஒரு கே...

"பொங்கல் திருநாளில் சூரியனையும் மாட்டையும் வணங்கி படையல் வைக்கப்படுவதனால், அதைக் கொண்டாட முடியாது" என காரணம் கூறுபவர்களிடம் ஒரு கேள்வி;

சுதந்திர தினத்தில், இந்திய வரைபடத்துக்கு பாரதமாதா உருவம் கொடுத்து மாலையிட்டு வணங்கி வந்தே மாதரம் பாடப்படுவதால், சுதந்திர தினமும் கொண்டாட மாட்டீர்களா?

"இந்தியாவுக்கு பாரதமாதா உருவம் கொடுப்பதனால், இந்தியத் திருநாள் கொண்டாட்டங்களில் இருந்து விலகி நிற்போம்" என யாரும் சொல்வதில்லை. அப்படிச் சொன்னால், அது 'இந்து இந்தி இந்தியா' என முழங்கும் ஆர்.எஸ்.எஸ்.க்குத்தான் வலு சேர்க்கும்.

அதுபோல், பொங்கலில் மதச் சடங்குகள் புகுந்துள்ளதை காரணம் காட்டி, தமிழர் திருநாள் கொண்டாட்டங்களிலிருந்து விலகி நிற்போம் எனச் சொன்னால், 'நீங்கள் தமிழர் இல்லை' என்று பரப்பும் மதவெறி சக்திகளுக்குத்தான் அது வலு சேர்க்கும்.

சுதந்திர தினம், குடியரசு தினம் கடைபிடிப்பது, கொடிக்கு சல்யூட் அடிப்பது, எழுந்து நிற்பது, கீதம் பாடுவது, இனிப்பு வழங்கி கொண்டாடுவது இதெல்லாம் செய்வது எந்த அடிப்படையில்?
ஒரு நாட்டுக்கான பண்பாடு கூடும் எனில், ஒரு மாநிலத்துக்கான பண்பாடு கூடாதா?

அறுவடையில் மகிழ்வதும், அறுத்த பயிரை பொங்கல் வைத்துப் பகிர்வதும், ஊர் கூடி விளையாடுவதும் தமிழர் பண்பாடு. இதை செய்வதில் எங்கே வந்தது கொள்கை இழப்பு?

பாரதமாதாவாக இந்தியாவை வணங்குவது அவர்களின் வழக்கம் என அதை கழித்துவிட்டு, நாம் இந்திய நாளைக் கொண்டாடுவதில்லையா? அதுபோல், படையல் வைப்பது அவர்களின் வழக்கம் என கழித்துவிட்டு தமிழர் நாளைக் கொண்டாடுவதில் என்ன சிக்கல்?

அடிப்படையில், இந்தியா மதச்சார்பற்ற நாடு என்பதுபோல், பொங்கலும் மதச்சார்பற்ற பண்பாடு. அதை உறுதி செய்யும் வகையில் அமைய வேண்டும் நம் நிலைப்பாடு. இந்தியாவில் ஒரு குறிப்பிட்ட மதச் சார்புக்கு எப்படி முன்னுரிமை இல்லையோ, அப்படியே தமிழர் பண்பாட்டிலும் இல்லை. மதங்களையும் சடங்குகளையும் கடந்தது பொங்கல்.

எல்லோரும் கொண்டாடுவோம்.
பொங்கல் திருநாள் தமிழர் திருநாள்."பொங்கல் மதப் பண்டிகை அல்ல. அது அறுவடைத் திருநாள். அதை பெரும்பான்மையாகக் கொண்டாடும் இந்து மக்கள் தமது வழிபாட்டுச் சடங்குகளோடு கொண்டாடுவதால், அதில் மதம் கலந்துவிட்டது. பொங்கலில் புகுந்துள்ள மதச் சடங்குகளை தவிர்த்து, அதை தமிழர் அனைவரும் கொண்டாட வேண்டும்" என்பது எனது கருத்து.

இதைச் சொல்வதோடு மட்டுமின்றி, சடங்குகள் அற்ற பொங்கல் விழாக்களில் பங்கேற்றும் வருகிறேன். அரசியலுக்கு வரும் முன்பே என் நிலைப்பாடு இதுதான். மதச் சடங்குகள் இல்லாத பொங்கலை பெரியார் அமைப்புகள், இடதுசாரித் தோழர்கள் கொண்டாடி வருகின்றனர். பொங்கல் மதப் பண்டிகை எனில் அவர்களும் அதிலிருந்து விலகியே நிற்பார்கள்.

இங்கே பின்னூட்டம் செய்துள்ள பலரும், இது ஓட்டுப் பொறுக்குவதற்கான பதிவு என எழுதியுள்ளனர். எனது இந்த பேஸ்புக் பதிவை நினைவில் வைத்து, 4 ஆண்டுகளுக்குப் பிறகு வரும் தேர்தலில் நான் நிற்கப்போகும் தொகுதியில் உள்ள பொதுமக்கள் எனக்கு ஓட்டுப்போடுவார்கள் என்பது, இன்றைய தேர்தல் அரசியல் போக்கில் மாபெரும் நகைச்சுவை.

மேலும், பலரும் சொல்லியிருப்பது, "பொங்கலின் நோக்கமே சூரியனுக்கும் மாட்டுக்கும் நன்றி சொல்லி வழிபடுவதுதான்" என்பது. அதுவெல்லாம் பொங்கலில் நுழைந்தவை என்று நான் சொன்னால், என்னை இணைவைப்பை ஆதரித்தவனாக சித்தரிக்கிறார்கள். இதோ இந்த வீடியோவில் 
(https://youtu.be/0Dx817Vsh80) பி.ஜே அவர்களே சொல்கிறார், 'பொங்கல் அறுவடைத் திருநாள் தான். மதச் சடங்குகள் அதில் பின்னால் நுழைந்துவிட்டன' என்று. மேலும், மதச் சடங்குகள் அற்ற, அறுவடையை மகிழ்வுடன் கொண்டாடும் பொங்கலில் ஆட்சேபனை இல்லை என்றும் சொல்கிறார். https://youtu.be/0Dx817Vsh80 இதைத் தானே நானும் சொன்னேன்.

மதச் சடங்குகள் இல்லாத வகையில் பொங்கலை கொண்டு வாருங்கள் என்பது பி.ஜேவின் வேண்டுகோள். யார் கொண்டுவருவார்கள்? இந்து மக்கள் அவர்கள் வழக்கப்படி அதை செய்யும் நிலையில், அந்த வழக்கத்தை மறுப்பவர்கள் தான் உண்மையான அறுவடைத் திருநாளை கொண்டுவர முடியும். அதைத்தான் பெரியார் இயக்கங்கள் செய்கின்றன.

மேலும், 'பிற சமயக் கலாச்சாரத்தை பின்பற்றுபவர்கள் என்னைச் சார்ந்தவர்கள் அல்ல' எனும் நபிமொழியை இங்கே பலரும் குறிப்பிட்டுள்ளார்கள். பொங்கல் சமயக் கலாச்சாரம் அல்ல என்பது தானே உண்மை. தமிழ்ச் சமூகம் உழவுச் சமூகம் எனும்போது, உழவு என்பது சாதி சமயங்களை கடந்த அனைத்து மக்களின் வாழ்வியல் எனும்போது, அறுத்த பயிரை பொங்கிப் பகிர்ந்து மகிழ்வது அனைவருக்கும் உரித்தான பண்பாடு தானே. இதில் சமயம் எங்கே வந்தது?

'என்றோ அறுத்தோம். மகிழ்ந்தோம். இன்று அறுவடை செய்கிறோமா? விவசாயமே நடக்காதபோது அறுவடைத் திருநாளா?' என்பதும் பலரின் கேள்வி. வெள்ளையனிடம் இருந்து என்றோ விடுதலை பெற்றோம். இன்று அதே வெள்ளையர்களும் பன்னாட்டு கம்பெனிகளும் அன்னிய முதலீடு எனும் பெயரில் இந்தியாவை சுரண்டி சூறையாடி ஆதிக்கம் செய்கின்றனர். மீண்டும் அவர்களின் கைகளுக்கே நாடு சென்றுவிட்டது. இப்போதும் சுதந்திர தினம் கொண்டாடுவது சரிதானா? என்று நாம் கேட்பதில்லை.

இதனால் சமூக வலைதளத்தில் முஸ்லீம்களின் கருத்து வருத்த உள்ளது.
அல்லாஹ்வின் தூதர் ஸல்லல்லாஹு அலைஹி வசல்லம் அவர்கள் ரம்ஜானையும் பக்ரீத்தையும் தான் முஸ்லிம்களுக்கு திருநாளாக அறிவித்திருக்கிறார்கள். இது அல்லாத வேறு பெருநாள் முஸ்லிம்களுக்கு கிடையாது. என பல்வேறு கருத்துக்கள் குவிந்துள்ளன.
பொங்கல் மதப் பண்டிகை அல்ல! அது அறுவடைத் திருநாள்!-ஆளூர் ஷானவாஸ்
பொங்கல் மதப் பண்டிகை அல்ல! அது அறுவடைத் திருநாள்!-ஆளூர் ஷானவாஸ்

"பொங்கல் திருநாளில் சூரியனையும் மாட்டையும் வணங்கி படையல் வைக்கப்படுவதனால், அதைக் கொண்டாட முடியாது" என காரணம் கூறுபவர்களிடம் ஒரு கே...

மேலும் படிக்க »

Mohamed Farook Mohamed Farook Author
Title: தகாத உறவு முறையினால் வழிகெட்டு நிற்கும் நமது சமுதாயம்! - நோட்டீஸ் பிரச்சாரம்!
Author: Mohamed Farook
Rating 5 of 5 Des:
பெற்றோர்களே! சகோதரர்களே!! கணவன்மார்களே!!! உங்கள் பெண் குழந்தைகளையும், நம் சகோதரிகளையும் நாம் பாதுகாத்து சொர்க்கம் கொண்டு செல்வதும், நரக நெர...
பெற்றோர்களே! சகோதரர்களே!! கணவன்மார்களே!!! உங்கள் பெண் குழந்தைகளையும், நம் சகோதரிகளையும் நாம் பாதுகாத்து சொர்க்கம் கொண்டு செல்வதும், நரக நெருப்பிலிருந்து அவர்களைக் காப்பாற்றுவதும் நமது கடமையாக இருக்கின்றது. இதனை நாம் காலம் தாழ்த்தாமல் உடனே செய்ய வேண்டும் என்ற நோக்கத்துடன் இன்று வி.களத்தூர் பகுதியில் வி.களத்தூர் எக்ஸ்பிரஸ்.இன் இணையத்தளம் சார்பாக நோட்டீஸ் பிரச்சாரம் செய்யப்பட்டது. 
                           
                       
நீங்களும் சற்று சிந்திப்பீர்! வெள்ளம் கரை கடந்தபின் கதறாமல், இப்போதே அணைபோட திட்டமிடுவீர்! உங்கள் பெண்பிள்ளைகளை கண்காணிப்பீர்!

ஆக்கம் - மு.முஹம்மது பாரூக். வி.களத்தூர் எக்ஸ்பிரஸ்
வி.களத்தூர் எக்ஸ்பிரஸ்.இன் டீம்.
தகாத உறவு முறையினால் வழிகெட்டு நிற்கும் நமது சமுதாயம்! - நோட்டீஸ் பிரச்சாரம்!
தகாத உறவு முறையினால் வழிகெட்டு நிற்கும் நமது சமுதாயம்! - நோட்டீஸ் பிரச்சாரம்!

பெற்றோர்களே! சகோதரர்களே!! கணவன்மார்களே!!! உங்கள் பெண் குழந்தைகளையும், நம் சகோதரிகளையும் நாம் பாதுகாத்து சொர்க்கம் கொண்டு செல்வதும், நரக நெர...

மேலும் படிக்க »

vkrnajur vkrnajur Author
Title: வெளிநாட்டு வாழ்க்கையில் மனைவிக்கு துரோகம் செய்யும் கணவன்மார்களே!!!
Author: vkrnajur
Rating 5 of 5 Des:
அஸ்ஸலாமு அலைக்கும் சகோதர்களே ! பெரும்பாலும் இங்கே மனைவியோடு இருக்கும் கணவன்களும் – இறைபக்தியோடு இருக்கும் பேச்சுலர்களும், தப்பித்த...
அஸ்ஸலாமு அலைக்கும் சகோதர்களே !

பெரும்பாலும் இங்கே மனைவியோடு இருக்கும் கணவன்களும் – இறைபக்தியோடு இருக்கும் பேச்சுலர்களும், தப்பித்துக்கொள்கிறார்கள். மாட்டிக்கொள்வது எளிதில் உணர்ச்சி அவரசப்படுகின்றன.

எது நடந்தாலும் கேட்பதற்கு எவனுன்டு என்ற திமிரில் திரிபவர்களும்தான். சிலர் சம்பாதிக்கின்ற பணத்தை வீட்டிற்கு அனுப்பாமல் தானே வைத்து புழங்கி அவற்றை செலவழிக்க வழிதெரியாமல் கடைவீதியில் சுற்று கின்றவளிடமும் - பாரில் பரதம் ஆடுபவளிடமும் கொடுத்து வீணாக்குகின்றனர்.



ஊரில் மனைவி குழந்தைகள் என்று அழகான குடும்பத்தை வைத்துக்கொண்டு இங்கே இன்னொருத்தியை வைத்திருக்கின்றார். இவருடைய உணர்ச்சிகள்தானே அங்கே அவருடைய மனைவிக்கும் இருக்கும். இது ஆண்மையின் வரம்பு மீறல் இல்லையா..? 

வாட்ஸ்ஆப்பில் வரும் தகாத வீடியோக்கள் தான் முக்கியக்காரணமான அங்கம் வகிக்கிறது.

ஊரில் இவருடைய மனைவியைப்பற்றி யாராவது தவறாய் இவரிடம் சொல்லிவிட்டால் எந்த அளவிற்கு துடித்துப்போவார்..? தன் மனைவி தனக்கு மட்டும்தான் மனைவியாக இருக்க வேண்டும் என்று நினைக்கும் எல்லா கணவன்களைப் போலவே தன் கணவன் தனக்கும் மட்டும்தான் கணவனாக இருக்க வேண்டும் என்ற அவளது ஆசையில் மண்போடுபவர்களுக்கு என்ன தண்டனை கொடுப்பது................??????????

நீங்கள் இறையச்சத்தோடு இருக்க விருப்பினால் (அந்நியருடம் நடத்தும்) பேச்சில் நளினம் காட்டாதீர்கள். ஏனென்றால் எவன் உள்ளத்தில் நோய் (தவறான நோக்கம்) இருக்கின்றதோ அத்தகய)வன் ஆசை கொள்வான். இன்னும் நீங்கள் நல்லவற்றையே பேசுங்கள் (அல்குர்ஆன் 33:32) 

ஆக்கம் - வி.களத்தூர் நஜூருதீன்.
(மார்க்கத்தின் உதவியாளன்)

இறைவனை அஞ்சிக்கொள்ளுங்கள்....................................
வெளிநாட்டு வாழ்க்கையில் மனைவிக்கு துரோகம் செய்யும் கணவன்மார்களே!!!
வெளிநாட்டு வாழ்க்கையில் மனைவிக்கு துரோகம் செய்யும் கணவன்மார்களே!!!

அஸ்ஸலாமு அலைக்கும் சகோதர்களே ! பெரும்பாலும் இங்கே மனைவியோடு இருக்கும் கணவன்களும் – இறைபக்தியோடு இருக்கும் பேச்சுலர்களும், தப்பித்த...

மேலும் படிக்க »

Mohamed Farook Mohamed Farook Author
Title: நாம் ஏன் திருமணம் செய்ய வேண்டும்? திருமணமாகாத இளைஞர்களுக்காக!
Author: Mohamed Farook
Rating 5 of 5 Des:
திருமண வாழ்வை எதிர்நோக்கியிருக்கும் சகோதரர்களுக்கும் சகோதரிகளுக்கும் திருமண வாழ்வை எதிர்நோக்கியிருப்பவர்கள் பதில் தேட வேண்டிய கேள்விகளு...
திருமண வாழ்வை எதிர்நோக்கியிருக்கும் சகோதரர்களுக்கும் சகோதரிகளுக்கும் திருமண வாழ்வை எதிர்நோக்கியிருப்பவர்கள் பதில் தேட வேண்டிய கேள்விகளுள் முக்கிய கேள்விகளுள் ஒன்று, ஏன் திருமணம் செய்ய வேண்டும்?

இந்த கேள்விக்கான பதில்களைத் திரட்டினால் அவற்றில் சந்தோஷம் சம்பந்தப்பட்டவைகளும், பயம் சம்பந்தப்பட்டவைகளும் இருக்கின்றன. நீங்கள் ஏன் திருமணம் செய்யப் போகிறீர்கள்? என்ற கேள்வியை இளைஞர்களிடத்திலும் யுவதிகளிடத்திலும் முன்வைக்கின்ற போது, அவர்களால் அதிகமாக அளிக்கப்படுகின்ற பதில்களுக்கான சில மாதிரிகளைக் கீழே தருகின்றோம். முதலில் இளைஞர்களது மாதிரிப் பதில்கள்...

1. எனது பாலியல் ஆசையைத் தீர்த்துக் கொள்வதற்காக.
2. என்னைக் கவனித்துக் கொள்வதற்கு ஒரு பெண் தேவை.
3. எல்லோரும் திருமணம் செய்கிறார்கள். நானும் செய்யத்தானே வேண்டும்?
4. இப்போது திருமண வயது வந்துவிட்டது.
5. ஒரு பெண்ணை விரும்புகிறேன்.
6. எனது பெற்றோர்கள் திருமணம் செய்யுமாறு வற்புறுத்துகிறார்கள்.
7. பெற்றோரையும், தம்பிமார்களையும், தங்கச்சிமார்களையும் கவனித்துக் கொள்ள ஒருவருமில்லை.
8. ஆபாச உலகிலிருந்து என்னைப் பாதுகாத்துக் கொள்வதற்காக.
9. அல்லாஹ் கூறியுள்ள அன்பையும் அமைதியையும் அருளையும் அடைந்து கொள்வதற்காக.
10. திருமணம் நபியவர்களது சுன்னா.
11. ஒரு இஸ்லாமிய வீட்டை உருவாக்குவது எனது கடமை.
12. அல்லாஹ்வின் திருப்தியைப் பெற்றுக் கொள்வதற்காக.
13. குடும்பத்தை சுமத்தலும், பிள்ளை வளர்ப்பும் உண்மையான ஆண்மையின் வெளிப்பாடுகள்.
14. நல்ல வசதியான ஒரு இடத்தில் முடித்தால், வசதியாக வாழ்ந்து விடலாம்.
15. வாழ்க்கையில் ஒரு மாற்றத்திற்காக.

பேஸ்புக்கில் எங்களது செய்திகளை உடனுக்குடன் அறிய EXPRESS NEWS (Like page) பக்கத்தை LIKED செய்து இணைந்திருங்கள்... - Muslim Express News 24x7    

இங்கு கூறப்பட்டுள்ளவை சில உதாரணங்கள் மாத்திரமே. இவற்றில் சில சிலரது மனதுக்கு நெருக்கமானவையாக இருக்கலாம். மற்றும் சில தூரமானவையாக இருக்கலாம். ஆனால் இவை அனைத்தும் பல்வேறுபட்ட மன உணர்வுகளையும் எதிர்பார்ப்புகளையும் பிரதிபளிக்கக்கூடியவையே. இவற்றில் எதனையும் நாம் ஹராம் என்று சொல்ல முடியாது. அனைத்தும் இயல்பான, அனுமதிக்கப்பட்ட மனித எதிர்பார்ப்புகளாகும். ஆனால் இந்த எதிர்பார்ப்புகளுக்கு மத்தியில் ஒரு ஒழுங்குபடுத்தல் அவசியமாகிறது. அடிப்படையானவை எவை? கிளையானவை எவை? முதல்நிலைப்படுத்த வேண்டியவை எவை? இரண்டாம் தரமானவை எவை? என்ற வேறுபடுத்தல் அவசியம்.

இந்த வேறுபடுத்தல் அல்லது ஒழுங்குபடுத்தல் இல்லாது போகின்ற பொழுதுதான் வாழ்க்கை போக வேண்டிய பயணத்திலிருந்து திசைமாறிச் செல்வதற்கான சூழல் ஏற்படுகின்றது, அல்லது இடை நடுவே நின்று விடும் நிலை தோன்றுகின்றது. எனவே இங்கு எதிர்பார்ப்புக்களை ஒழுங்குபடுத்துதல் குறித்து, அடுத்ததாகக் கொஞ்சம் கவனத்தைச் செலுத்துவது மிகவும் பொறுத்தமானதாக அமையும் என நினைக்கிறோம். 

முதலில், நாம் ஏன் திருமணம் செய்கிறோம் என்பது, ஒரு எதிர்வினையாக மாத்திரம் அமையக் கூடாது. பெற்றோரின் வற்புறுத்தல், தம்பி தங்கைகளைக் கவனிக்க அல்லது பெற்றோரைக் கவனிக்க அல்லது என்னைக் கவனித்துக் கொள்ள ஆள் தேவை, எல்லோரும் திருமணம் செய்கிறார்கள், எனக்கு திருமண வயது வந்துவிட்டது போன்ற வகையான நியாயங்கள் ஒருவித எதிர்வினைப் பண்பைப் பிரதிபளிக்கின்றன.

இவை ஒரு போதும் நான் ஏன் திருமணம் செய்கிறேன் என்பதற்கான அடிப்படை நியாயங்களாக இருக்க முடியாதவை. இவற்றின் அடியாக மாத்திரம் ஒரு குடும்பம் எழுவது ஆபத்தானது. அந்தக் குடும்பத்தின் நிலைத்த தன்மைக்கான உத்தரவாதம் அங்கு இல்லாது போகின்றது. அடுத்து, நாம் ஏன் திருமணம் செய்யப் போகிறோம் என்பது, ஒரு முதிர்ச்சியற்ற மனவெழுச்சியாக அல்லது ஒரு உல்லாசத் தேடலாக மாத்திரம் அமைந்து விடவும் கூடாது. 

ஒரு பெண்ணை விரும்புகிறேன் என்பதும், ஒரு மாற்றம் தேவை என்பதும், வசதியான வாழ்வு தேவை என்பதும், பாலியல் ஆசை என்பதும் இந்த வகை சார்ந்தவைகளாகும். இந்த விடயங்களும் ஒருவன் திருமணம் செய்வதற்கான அடிப்படை நியாயங்களாக இருக்க முடியாதவை.

ஒரு குடும்பம் இவற்றின் மீது மாத்திரம் எழுந்து நிற்க முடியாது. மாற்றமாக, நாம் ஏன் திருமணம் செய்யப் போகிறோம் என்பது, அது ஒரு இபாதத், வணக்கம், நன்மை தருகின்ற ஒரு செயற்பாடு என்ற புரிதலின் மீது அமைய வேண்டும். நபியவர்களது சுன்னா என்பதும், அல்லாஹ்வின் திருப்தி என்பதும், தனது கற்பைக் காத்துக் கொள்ளுதல் என்பதும், அன்பையும் அருளையும் அமைதியையும் அடைந்து கொள்ளுதல் என்பதும், திருமணத்தை ஒரு வணக்கமாகப் புரிந்து கொண்ட நியாயங்கள், நாம் ஏன் திருமணம் செய்கிறோம் என்பதற்கான அடிப்படையான நியாயங்கள். 

குடும்ப வாழ்வு இவற்றின் மீது எழுந்து நிற்கின்ற பொழுது, அது தூய்மையானதாக இருக்கும். நிம்மதி நிறைந்ததாக இருக்கும். செழிப்பானதாக இருக்கும். அடுத்து, நாம் ஏன் திருமணம் செய்யப் போகிறோம் என்பது, அது ஒரு பொறுப்பு, கடமை, மனித இனத்தின் நிலைத்த தன்மைக்கான எனது பணி என்ற புரிதலின் மீது அமைதல் வேண்டும்.

இஸ்லாமிய வீடு என்பதும், குடும்பப் பொறுப்பு, பிள்ளை வளர்ப்பு என்பதும், அன்பும் அருளும், அமைதியும் என்பதும், ஆபாசத்திலிருந்து காத்துக்கொள்ளுதல் என்பதும் இந்தவகை சார்ந்த நியாயங்களாகும். இவற்றின் மீது எழுகின்ற ஒரு குடும்பம் நீடித்து நிலைக்கும் தன்மையைக் கொண்டிருக்கும். இஸ்லாம் குடும்ப வாழ்வு குறித்துப் பேசுகின்ற பொழுது அதனை ஒரு இபாதத்தாகவும், ஒரு பொறுப்பாகவும், ஒரு சமூகப் பாதுகாப்பாகவும் அடையாளப்படுத்தியிருப்பதைக் காணலாம்.
இவை குடும்ப வாழ்வு குறித்த மிக முக்கிய பெறுமானங்களாகும். இந்தப் பெறுமானங்களைப் பிரதிபளிக்கக்கூடிய நியாயங்களே அடிப்படையான நியாயங்களாகக் கருதப்படும். 

இதனால்தான் அல்குர்ஆன் திருமண ஒப்பந்தத்தை “ஒரு கனதியான ஒப்பந்தம்” என்று சொல்கின்றது. (அல்குர்ஆன்- ஸூரத்துன்நிஸா – 21) இங்கு கனதியான ஒப்பந்தம் என்பதன் பொருள், அது குடும்பத்தின் உருவாக்கம் மற்றும் பொருளாதாரம் என்பவற்றிற்கான ஒப்பந்தம், அது சமூகப் பாதுகாப்பை உறுதிப்படுத்துவதற்கான ஒப்பந்தம், அது அல்லாஹ்விடத்தில் வகை கூறுவதற்கான ஒப்பந்தம். ஆகவே, சகோதரர்களே, நீங்கள் ஏன் திருமணம் செய்யப் போகிறீர்கள்? என்பதற்கான நியாயங்களை மீள் ஒழுங்கு செய்யுங்கள். 

அடிப்படைய நியாயங்கள், முதன்மைப்படுத்த வேண்டிய நியாயங்கள் என்பன இஸ்லாம் கூறும் அடிப்படையான குடும்பப் பெறுமானங்களின் மீது எழ வேண்டியவையாகும். அவை உங்கள் முதல் தர நியாயங்களாக அமைகின்ற பொழுது, கிளை நியாயங்களாகவும் இரண்டாம் தர நியாயங்களாகவும் ஏனையவை அமைவதில் எந்தவிதமான தவறுமில்லை.

அதாவது எதிர்வினைகள், உடனடிப் பிரச்சினைகளுக்கான தீர்வுகள், மனவெழுச்சிகள், உல்லாசத் தேடல்கள் இவையும் நீங்கள் ஏன் திருமணம் செய்கிறீர்கள் என்பதற்கான நியாயங்களாக இருக்கலாம். தவறில்லை. ஆனால் இவை அடிப்படை நியாயங்களாக அல்லது முதல்தர நியாயங்களாக அமைந்துவிடாமல் பார்த்துக் கொள்ளுங்கள். அடுத்து, கொஞ்ச நேரம் கடந்த பந்தியில் பேசிய ஒரு விடயத்திற்கு மீண்டும் வருவோம். ஒருவன் தான் திருணம் செய்யப் போகிறேன் என்று நினைக்கும்போது சந்தோஷமும் ஏற்படுகிறது. பயமும் ஏற்படுகிறது.

சந்தோஷத்தைப் பொறுத்தவரையில் நாம் மேலே பேசிய திருமணம் செய்வதற்கான நியாயங்களை மையப்படுத்திப் பார்க்கின்ற பொழுது, அன்பு, காதல், இன்பம், நன்மை, அல்லாஹ்வின் திருப்தி போன்றவற்றால் ஏற்பட முடியும். அதேபோல் பயத்தைப் பொறுத்தவரை புதிது, பொறுப்பு, கஷ்டம், இயலாமை, அல்லாஹ்விடம் பதில் சொல்லுதல் போன்ற காரணங்களால் ஏற்பட முடியும். இந்த சந்தோஷங்களும் பயங்களும் நியாயமானவையே. 

இவை சமநிலையற்ற ஒரு மனநிலையைப் பிரதிபளிப்பவை அல்ல. ஆனால் அந்த சந்தோசம் என்பது, பயத்திற்கான காரணங்களின் கனதியைப் புரிந்து கொள்ளாததாகக் காணப்படக் கூடாது. அல்லது பயங்களின் காரணங்களிலிருந்து விரண்டு ஓடுவதாகக் காணப்படக்கூடாது.
அதாவது திருமணவாழ்வு என்பது ஓரே இன்பமயம் என்ற பிரம்மையாக அமைந்து விடக் கூடாது. மாற்றமாக பயங்களின் காரணங்களை மிகச்சரியாகப் புரிந்து கொண்டதாகவும், அவற்றை எதிர்கொள்ளும் தயார்நிலை கொண்டதாகவும் காணப்படல் வேண்டும். அதேபோல் சந்தோசம் என்பது, தனித்து இன்பத் தேடலை மாத்திரம் அடிப்படையாகக் கொண்டதாக அமைந்துவிடக்கூடாது. மாற்றமாக நன்மைத் தேடலை அடிப்படையாகக் கொண்டதாகவும் அது அமைய வேண்டும். 

அடுத்து பயம் என்பது, சந்தோசத்திற்கான காரணங்களை மறுதலிப்பதாக அமைந்து விடக்கூடாது. அல்லது வாழ்வை விட்டு ஒதுங்கி விடுவதாக அமைந்து விடக்கூடாது. மாற்றமாக வாழ்வு என்பது இன்பமும் துன்பமும் கலந்தது என்பதைப் புரிந்து கொண்டதாகவும், பொறுப்பை சுமப்பதில் தான் குடும்ப வாழ்வின் இன்பமே இருக்கிறது என்பதை அறிந்து கொண்டதாகவுமே காணப்படல் வேண்டும்.

இது நாம் ஆரம்பத்தில் பேசியது போன்று சந்தோஷத்தையும், பயத்தையும் வேறுபடுத்திப் பார்ப்பதற்குரிய இடங்களாகும். அடுத்து திருமணம் பற்றிய எண்ணங்களையும் எதிர்பார்ப்புகளையும் ஒழுங்குபடுத்துவது எவ்வாறு? என்பது பலரும் எதிர்கொள்ளும் ஒரு பிரச்சினை, எனவே, இளைஞர்களே, திருமணம் பற்றிய உங்கள் எண்ணங்களை, பார்வைகளை ஒழுங்குபடுத்திக் கொள்வதை இலகுபடுத்துவதற்காக நீங்கள் மனங்கொள்ள வேண்டிய சில விடயங்களை இங்கே முன்வைக்கிறோம்.
 
1. உங்களது எதிர்காலத் திட்டத்தில், உங்களது திருமணமும் ஒரு பகுதியாகக் காணப்படுவதை உறுதிசெய்து கொள்ளுங்கள். அதாவது உங்களது வாழ்வின் பெரிய இலக்கு நோக்கிய பயணத்தில் திருமணம் என்பது ஒரு கட்டம். அந்தக் கட்டத்தையும் மிகச் சரியாக அடைந்து கொள்ள வேண்டும்.

2. திருமணம் எனும் நிகழ்ச்சி உங்களது இறுதி இலக்கல்ல. மாற்றமாக திருமணத்தின் விளைவுகளே உங்களது இலக்காக இருக்க வேண்டும். எனவே விளைவுகளை மிகச் சரியாக அடைந்து கொள்வதற்குரிய திருமணமே உங்களுக்குத் தேவை.

3. உங்களது வாழ்வில் நீங்கள் அடைந்து கொள்ள நினைக்கும் வெற்றித் தொடரின் ஒரு பகுதியாக திருமணம் காணப்படல் வேண்டும். அதாவது, உங்களது வாழ்வில் ஏனைய எல்லாவற்றிலும் வெற்றி காண்பது போல் திருமண வாழ்வும் வெற்றிகரமாய் அமைய வேண்டும். தொழிலில் வெற்றி பெற்று குடும்ப வாழ்வில் தோற்றவர்களாய், தஃவாவில் வெற்றி பெற்று குடும்ப வாழ்வில் தோற்றவர்களாய் நீங்கள் இருக்கக் கூடாது.

4. அறிந்து கொள்ளுங்கள். உங்களது வாழ்க்கைத் துணைக்கு நீங்கள் கொடுக்கின்ற பரிமாணத்திற்கு ஏற்பவே நீங்கள் அவளிடமிருந்து பெற்றுக் கொள்ளவும் முடியும். ஏனெனில், குடும்ப வாழ்வு என்பது பரஸ்பரபக் பரிமாற்றமாகும். அதனைத்தான் நபி ஸல்லல்லாஹு அலைஹி வஸல்லம் அவர்கள் ஜாபிர் ரளியல்லாஹு அன்ஹு அவர்களைப் பார்த்து இவ்வாறு கூறினார்கள் “ஒரு கன்னிப் பெண்ணை திருமணம் செய்து கொண்டிருக்கலாமே, நீ அவளுடன் விளையாடலாம், அவள் உன்னுடன் விளையாடுவாள்.” இறுதியாக, ஒரு இளைஞனைப் பார்த்து நீங்கள் திருமணம் செய்யாமல் இருப்பதே மேல் என்று சொல்வோம், அவன் யாராக இருக்கும், என்று ஆச்சரியப்படுகிறீர்களா? 

இந்தக் கதையைக் கேளுங்கள் ஒரு தடவை, ஒரு இளைஞன் மரங்கள் நிறைந்த ஒரு தோட்டத்தில் அமர்ந்திருந்தான். முளைத்த நாளிலிருந்து இடம் மாறாது ஒரே இடத்தில் நின்றிருக்கும் அந்த மரங்களைப் பார்க்கிறான். அவை சுயமாக எதனையும் செய்யாமல் பிறரில் தங்கியிருக்கின்ற தோற்றமே அவனது மனக்கண் முன்னே பெரிதாக எழுந்து நிற்கின்றது. அவன் தன்னோடு பேசிக் கொள்ள ஆரம்பிக்கிறான். திருமண வாழ்வு என்பது ஒரு பெரும் போராட்டம். பெண்களை இந்த மரங்கள் போல் வைத்திருந்தால்தான் அந்தப் போராட்டத்தில் வெற்றி பெற முடியும். எனவே, 

• அவளை அதிகம் படிக்க வைக்கக் கூடாது. படிப்பு அவளுக்கு சுயமாய் இயங்கும் சக்தியைக் கொடுத்துவிடும்.

• ஒருபோதும் அவளை தொழில் செய்ய அனுமதிக்கக் கூடாது. அவளுக்கு தனி வருமானம் இருந்தால் எனது கட்டுப்பாட்டை விட்டு வெளியே சென்று விடுவாள். எனது தேவை அவளுக்கு இல்லாது போய்விடும்.

• இரண்டாம் திருமணம் செய்வேன் என்ற அச்சுறுத்தல் என்றும் அவளுக்கு இருந்து கொண்டே இருக்க வேண்டும். இரவு பகலாக தூக்கத்திலும் சரி, விழிப்பிலும் சரி அவள் கழுத்து மீதான கத்தியாக அது இருக்க வேண்டும். அப்போதுதான் எனக்கு முன்னால் மண்டியிட்டிருப்பாள்.

• இல்லை, முடியாது, கூடாது என்ற வார்த்தைகள்தான் எனது ஆயுதம். அவள் மீது அதிகாரம் செலுத்துவதற்கான வார்த்தைகள், அவளை எனது கூண்டில் அடைத்து வைப்பதற்கான வார்த்தைகள்.

• பிரயாணங்கள், இரவுக் கொண்டாட்டங்கள், சுதந்திரம், பணம், தீர்மானம் என அனைத்துமே எனக்குரியவை மட்டும்தான். அவளுக்கு அவற்றில் எதுவும் கிடையாது. எல்லா சந்தர்ப்பங்களிலும் எனக்காகக் காத்திருப்பது மட்டும்தான்; அவளது வேலை. தொடர்ந்தும் தனது மனதிற்குள்ளே சொல்லிக் கொள்கிறான். மரங்களையும் பெண்களையும் காரணத்துடன்தான் ஒப்பிட்டிருக்கிறார்கள்.
பெண்கள் மரங்கள் போல் ஆணுக்கு முன்னால் கட்டுப்பட்டிருக்க வேண்டும். ஆண்கள் விரும்பி அசைத்தாலே ஒழிய அவர்கள் அசையக் கூடாது. 

திடீரென தோட்டத்து மதில் மீதிருந்து பெரிய பூனையொன்று பாய்ந்து ஓடியது. அந்த இளைஞன் பதறிப் போய் எழுந்து நின்றான். உடல் நடுங்கிக் கொண்டிருந்தது. இதயத் துடிப்பு ஒரு நிமிடத்தில் நூறு முறை அடித்துக் கொண்டது. மீண்டும் தனக்குள்ளே சொல்லிக் கொண்டான் “திருமண வாழ்க்கை ஒரு பெரிய போராட்டம் என்று நான் சொன்னது எவ்வளவு பெரிய உண்மை” என்றான்.

இந்தக் கதையில் வரும் இளைஞனுடைய சிந்தனையைப் போன்று பெண்களைப் பற்றியும் திருமணம் பற்றியும் ஒருவனுடைய சிந்தனை காணப்படும் எனின், அவனைப் பார்த்துத்தான் சொல்கிறோம் தயவுசெய்து நீங்கள் திருமணம் செய்யாதீர்கள். இவ்வளவு காலமும் வாழ்ந்தது போல் தனியாக வாழ்வதே நல்லது, என்போம்.

அஷ் ஷேக் அக்ரம் சமத்      
நாம் ஏன் திருமணம் செய்ய வேண்டும்? திருமணமாகாத இளைஞர்களுக்காக!
நாம் ஏன் திருமணம் செய்ய வேண்டும்? திருமணமாகாத இளைஞர்களுக்காக!

திருமண வாழ்வை எதிர்நோக்கியிருக்கும் சகோதரர்களுக்கும் சகோதரிகளுக்கும் திருமண வாழ்வை எதிர்நோக்கியிருப்பவர்கள் பதில் தேட வேண்டிய கேள்விகளு...

மேலும் படிக்க »
பழைய இடுகைகள் முகப்பு
 
Top