வி.களத்தூர் எக்ஸ்பிரஸ் | மாற்றத்தை விரும்பும் மக்களின் குரல்

நமதூரைப் பற்றி தொடராக பார்த்து வருகிறோம். அதன் தொடர்ச்சியாக 10வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

புதிய பள்ளிவாசல் கட்ட 1991-ம் ஆண்டு அடிக்கல் நாட்டி பள்ளி வேலைகள் பூர்த்தியாக 11ஆண்டுகள் தேவைப்பட்டது. 

கடந்த 18.05.2001 வெள்ளிக் கிழமை ஹிஜ்ரி 1422 சபர் பிறை - 23 யில் ஊர் மக்கள், பல முக்கிய பிரமுகர்கள் என அனைவரும் முன்னிலையில் மதியம் 12.00 மணியளவில் வி.களத்தூர் ஜாமிஆ மஸ்ஜித் திறக்கப்பட்டது.

உடலாலும், உழைப்பாலும், பொருளாலும் உதவி செய்த அனைத்து நல் உள்ளங்களுக்கு மிக மகிழ்ச்சியான நாட்களில் இதுவும் ஒன்று கூட என கூறலாம். ஊரேல்லாம் மகிழ்ச்சியில் இருந்த நாட்களில் இதுவும் ஒன்று.

அன்று காலை 9.00 மணியளவில் நிஷ்வான் அரபி மதரஸா அருகில் பள்ளிவாசல் திறப்பு விழா கூட்டம் நடைப்பெற்றது.

இன்றும் கம்பிரமாக இருக்கும் வி.களத்தூர் ஜாமிஆ மஸ்ஜித் பலரின் உடல், மன உழைப்பின் சாட்சி

அடுத்த பதிவில் சந்திப்போம்.....

ஆக்கம் – முஹம்மது பாரூக்.

நமதூரைப் பற்றி தொடராக பார்த்து வருகிறோம். அதன் தொடர்ச்சியாக 9வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

ஐக்கிய அரசு அமீரகத்தை சேர்ந்த தொழிலதிபர் அல்ஹாஜ் ஷேக் முஹம்மது தைய்யூப் அவர்களும் இப்பள்ளி கட்ட பெரும் நிதி உதவி செய்தார்

பெரம்பலூர் மாவட்டத்திலேயே இரண்டாவது பெரிய பள்ளிவாசல் வி.களத்தூர் ஜாமிஆ மஸ்ஜித் என்பது குறுப்பிடத்தக்கது.

வின்முட்டும் அளவுக்கு உயர்ந்து நிற்கும் “மினார் 110 அடி உயரம்” கொண்டதாகும்.

இந்த மினார் சுற்றியிருக்கும் கிராமங்களுக்கு வி.களத்தூரை அடையாளம் காட்டும் சின்னமாக அமைந்துள்ளது.

இத்தனை சிறப்புமிக்க பலரின் உழைப்பின் மூலம் உருவான இந்த பள்ளிவாசல் திறப்பு விழா காண பல ஊர்களுக்கு அழைப்பு விடப்பட்டது.

அதனின் புகைப்படம் -

அடுத்த பதிவில் சந்திப்போம்..... 

ஆக்கம் – முஹம்மது பாரூக்.

நமதூரைப் பற்றி தொடராக பார்த்து வருகிறோம். அதன் தொடர்ச்சியாக 8வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

இப்பள்ளி அடிக்கல் நாட்டு விழா நடத்திய நிர்வாக நாட்டாண்மையாக இருந்து மஸ்ஜித் கட்டிட பணிக்கும் உழைத்த மர்ஹூம் பா.ப. அப்துல் முஹம்மது அவர்களுக்கும், மஸ்ஜித் கட்டிட பணியில் ஆலோசனை நல்கிய மர்ஹூம் T.M.K. முஹம்மது ஹனிபா மர்ஹூம் S.M.A. அப்துல் அஜீஸ், பள்ளி திறப்பு விழாவில் நம்மோடு இவர்கள் இல்லை இவர்களின் மறுமை வாழ்வு வளமிக்கதாக அமைய துவா செய்வோம்.

இந்த பள்ளிவாசலில் ஒரே நேரத்தில் 2 ஆயிரம் இஸ்லாமியர்கள் தொழுகை நடத்துவதற்கு ஏற்ற இடவசதி அமைந்துள்ளது. கீழ் தளம் மற்றும் இரண்டு மாடி கட்டிடமாக இருக்கிறது.

அடுத்த பதிவில் சந்திப்போம்.....

ஆக்கம் – முஹம்மது பாரூக். 

 நமதூரைப் பற்றி தொடராக பார்த்து வருகிறோம். அதன் தொடர்ச்சியாக 7வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

சகோதரர் ராயல் சம்சுதீன் இப்பள்ளிக் கட்டிடப்பணிக்கு  கணிசமான அளவு நிதி உதவி வழங்கியுள்ளார். வளைகுடாவில் வாழும் நமதூர் சகோதரர்கள் அ. சிராஜ்தீன், அ. சர்புதீன் இவர்களின் பெருமுயற்சியால் வளைகுடாவில் வாழும் ஆலி ஜனாப் ஹாஜி முஹம்மது தையூப் அவர்கள் இப்பள்ளி கட்டிடப்பணிக்கு பெருமளவில் நிதியுதவி அளித்துள்ளார்.

அப்போதைய துபை சங்க நிர்வாகிகள் ஜனாப். அ.ஜ. முஹம்மது ஜெக்கரியா, ஜனாப் ஹா. முஹம்மது ஜெக்கரியா போன்றவர்களின் பெருமுயற்சி பள்ளிவாசல் கட்ட நிதி உதவி வர காரணமாயிருந்தது.

மேலும் மற்ற நாடுகளிலுள்ள ஊர்வாசிகளின் பள்ளிவாசல் கட்டிடபணிக்கு நிதி வழங்கியது பாராட்டத்தக்கது. 

அடுத்த பதிவில் சந்திப்போம்.....

ஆக்கம் – முஹம்மது பாரூக். 

அஸ்ஸலாமு அலைக்கும் (வரஹ்)...

நமதூரைப் பற்றி நமக்கே தெரியாமல் அல்லது நாம் மறந்த விஷயங்கள், ஊரின் வரலாறுகள் என அனைத்துமே தொடராக பார்த்து வருகிறோம். அதன் தொடர்ச்சியாக 6வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

அடிக்கல் நாட்டப்பட்ட அன்று முதல் பொருளாதார சூழ்நிலை சற்று பின் தங்கியிருந்ததால் பள்ளி பணி பூர்த்தியாக 11ஆண்டுகள் தேவைப்பட்டது.

இப்பள்ளி எழுப்பும் பணியில், அப்போதைய தலைவர் பொறுப்பேற்று, அல்ஹாஜ் ம.இ.அ. அப்துல் ஜப்பார் அவர்கள் மிகவும் சிரமத்தை மேற்கொண்டு வெளிநாடுகளுக்கு சென்று நிதி வசூலித்து தன்னால் இயன்ற முழு ஒத்துழைப்பையும் கொடுத்தார். அவர் ஊரில் இல்லாத காலங்களில் அப்பொறுப்பை ஹாஜி மர்ஹூம் M.A. பக்கீர் முஹம்மது அவர்கள் கவனித்து வந்தார்.

இந்த பள்ளிக்கு மினார் நமதூரை சேர்ந்த இலப்பைக்குடிக்காட்டில் வசிக்கும் மர்ஹூம் ஹாஜி K.M. அப்துல் சுபஹான் அவர்களால்  தன் சொந்த செலவில் கட்டி வழங்கியுள்ளார்.

அடுத்த பதிவில் இன்னும் பல விஷயங்களுடன் சந்திப்போம்.........

ஆக்கம் – முஹம்மது பாரூக். 

அஸ்ஸலாமு அலைக்கும் (வரஹ்)...

நமதூரைப் பற்றி நமக்கே தெரியாமல் அல்லது நாம் மறந்த விஷயங்கள், ஊரின் வரலாறுகள் என அனைத்துமே தொடராக பார்த்து வருகிறோம். அதன் தொடர்ச்சியாக 5வது பகுதியை பார்க்கலாம்.

நமதூருக்கு பெருமையை சேர்க்கும் வி.களத்தூர் ஜாமிஆ மஸ்ஜித் பற்றி பார்ப்போம் -

பழமை வாய்ந்த இப்பள்ளிவாசல் 1990ஆம் ஆண்டு ஏப்ரல் மாதம் 27ந் தேதி ரம்ஜான் பெருநாள் வெள்ளிக்கிழமையன்று ஏற்ப்பட்ட கலவரத்தில் பள்ளிவாசல் பெரும் சேதமடைந்தது.

சேதமடைந்த பள்ளிவாசலில் தொழுகை நடத்த இடப்பற்றாக்குறை ஏற்பட்டதால் புதிய பள்ளிவாசல் கட்ட அப்போது இருந்த ஜமாத்தார்கள் முடிவு செய்தனர்.

25-08-1991 ஞாயிற்றுக்கிழமை அன்று பள்ளி வேலைகளை ஆரம்பிக்க முன்னாள் பாராளுமன்ற உறுப்பினர் அல்ஹாஜ் S.A. ஹாஜா முகைதீன் தலைமையில், வேலூர் பாக்கியாத்துஸ்ஸாலிஹாத் அரபிக்கல்லூரி முதல்வர் மௌலான மௌலவி அல்ஹாஜ் H. கமாலுத்தீன் ஹஜ்ரத் அவர்களால் அடிக்கல் நாட்டப்பட்டது.

அடுத்த பதிவில் இன்னும் பல விஷயங்களுடன் சந்திப்போம்.........

ஆக்கம் – முஹம்மது பாரூக். வி.களத்தூர் எக்ஸ்பிரஸ்